Аляксандр Васілевіч Саветаў

Аляксандр Васілевіч Саветаў
руск.: Александр Васильевич Советов
Дата нараджэння	12 (24) лістапада 1826
Месца нараджэння	Маскоўская губерня, Расійская імперыя
Дата смерці	24 лістапада (7 снежня) 1901 (75 гадоў)
Месца смерці	Санкт-Пецярбург, Расійская імперыя[1]
Грамадзянства	Расійская імперыя
Дзеці	Q24045739?
Род дзейнасці	навуковец, выкладчык універсітэта, дэкан, аграном
Навуковая сфера	аграномія[2] і pedology[d][2]
Месца працы	фізіка-матэматычны факультэт Санкт-Пецярбургскага ўніверсітэта[d] Горы-Горацкі земляробчы інстытут
Навуковая ступень	доктар прыродазнаўчых навук[d]
Альма-матар	Горы-Горацкі земляробчы інстытут (1850)[3][4]
Медыяфайлы на Вікісховішчы

Аляксандр Васілевіч Саве́таў^[5] (руск.: Алекса́ндр Васи́льевич Сове́тов; 12(24).11.1826 — 24.11(7.12).1901) — расійскі вучоны, аграном, глебазнавец і педагог.

Нарадзіўся ў сяле Гульнева Маскоўскай губерні (зараз Дзмітраўскага раёна Маскоўскай вобласці Расіі). Пасля закан­чэння ў 1850 годзе Горы-Горацкага земляробчага інстытута працаваў у ім выкладчыкам. У 1853—1855 гадах камандзіраваны ў Германію, Бельгію і іншыя краіны Еўропы для вывучэння сельскай гаспадаркі. У 1855—1857 гадах ён узначальваў у інстытуце кафедру сельскагаспадарчай тэхналогіі, чытаў лекцыі па аграхіміі. 3 1859 года загадчык кафедры сельскай гаспадаркі Пецярбургскага ўніверсітэта. У гэтым жа годзе за працу «Пра развядзенне кармавых траў у полі», якая была падрыхтавана і напісана ў Горках, яму прысуджана ступень магістра сельскай гаспадаркі, у 1867 годзе за працу «Аб сістэмах земляробства» — ступень доктара сельскай гаспадаркі (першы ў Pacійскай імперыі). У 1888—1900 гадах працаваў дэканам фізіка-матэматычнага факультэта Пецярбургскага ўніверсітэта. Асноўныя працы прысвечаны сістэмам земляробства і севазваротам. Распрацоўваў рацыянальныя спосабы вядзення сельскай гаспадаркі, абгрунтаваў мэтазгоднасць пасеваў бабовых і злакавых кармавых траў. 3 1860 года кіраваў сельгасаддзелам Вольнага эканамічнага таварыства. У 1885—1896 (разам з В. В. Дакучаевым) і ў 1898—1900 (разам з М. П. Адамавым) гадах выдаваў «Матэрыялы па вывучэнні рускіх глеб». Адстойваў прыярытэт рускага земляробства ў практыцы травасеяння, выступаў як прыхільнік прагрэсіўнай ідэі адзінства арганічнай і неарганічнай прыроды, падкрэсліваў стваральную ролю раслін у працэсе глебаўтварэння. Палявое травасеянне ён разглядаў не толькі як крыніцу, але і як найважнейшы фактар паляпшэння фізічных якасцей глебы і павышэння яе ўрадлівасці. Добра ведаючы стан сельскай гаспадаркі і навукі за мяжой, Саветаў падкрэсліваў неабходнасць выпрацоўкі ўласных метадаў вядзення гаспадаркі, якія дапасоўваліся да эканоміі і адпаведных глебавых і кліматычных умоў пэўных раёнаў.

• Саве́таў Аляксандр Васілевіч // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — С. 425. — 599 с., іл. — 10 000 экз.
• Советов Александр Васильевич / Бердышев А. П. // Т. 24А. Собаки — Струна. — М. : Советская энциклопедия, 1976. — С. 21. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Крохалёв Ф. С. А. В. Советов как предшественник Вильямса в учении о системах земледелия // Доклады Московской сельскохозяйственной академии им. К. А. Тимирязева. — 1951. — Вып. 11.

• Советов Александр Васильевич (1826—1901) // Беларуская сельскагаспадарчая бібліятэка ім. І. С. Лупіновіча НАН Беларусі
• Советов Александр Васильевич // Донская государственная публичная библиотека
• Леденейкина Г. Б. Учёный-агроном Александр Советов // Национальная библиотека имени С. Г. Чавайна Республики Марий Эл
• Советов, Александр Васильевич // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

	Аляксандр Васілевіч Саветаў на Вікісховішчы