Аляксандр Дзмітрыевіч Боечка

Аляксандр Дзмітрыевіч Боечка
старшыня Дзяржаўнага пагранічнага камітэта Рэспублікі Беларусь 2 жніўня 2012 — 2 лістапада 2013
Прэзідэнт	Аляксандр Лукашэнка
Папярэднік	Ігар Рачкоўскі
Пераемнік	Леанід Мальцаў
Нараджэнне	1965(1965) Наваград-Валынскі раён, Жытомірская вобласць, УССР
Адукацыя	Тбіліскае вышэйшае артылерыйскае каманднае вучылішча Акадэмія Федэральнай пагранічнай службы Расійскай Федэрацыі Ваенная акадэмія Генеральнага штаба Узброеных Сіл РФ
Ваенная служба
Прыналежнасць	Беларусь
Званне	палкоўнік
Узнагароды

Алякса́ндр Дзмі́трыевіч Боечка (нар. 1965, у Наваград-Валынскім раёне Жытомірскай вобласці УССР) — беларускі ваенны і дзяржаўны дзеяч, старшыня Дзяржаўнага пагранічнага камітэта Беларусі (2012-2013).

У 1986 скончыў Тбіліскае вышэйшае артылерыйскае каманднае вучылішча, у 1999-м — Акадэмію Федэральнай пагранічнай службы Расійскай Федэрацыі, у 2009 годзе — Ваенную акадэмію Генеральнага штаба Узброеных Сіл РФ.

З 1986 года ў органах пагранічнай службы.

Два з паловай года служыў у Афганістане. Па яго словах, выклікаўся добраахвотнікам. Трапіў туды адразу пасля Тбіліскага вучылішча. Камандаваў узводам і батарэяй.

Cлужыў у Гродзенскім і Лідскім пагранатрадзе.

Да прызначэння старшынёй Дзяржаўнага пагранічнага камітэта працаваў намеснікам начальніка галоўнага ўпраўлення рэжыму і арганізацыйнага забеспячэння - начальнікам арганізацыйна-інспектарскага аддзела - сакратаром калегіі ДПК.

2 жніўня 2012 года быў прызначаны старшынёй Дзяржаўнага пагранічнага камітэта Рэспублікі Беларусь.^[1]

2 лістапада 2013 быў вызвалены з пасады.^[2]

• Ордэн Чырвонага Сцяга
• Ордэн «За службу Радзіме ва Узброеных Сілах СССР» III ступені
• Медаль «За баявыя заслугі»
• Медаль «За бездакорную службу» I ступені
• Медаль «За бездакорную службу» II ступені
• Медаль «За бездакорную службу» III ступені

• Старонка на сайце Дзяржаўнага пагранічнага камітэта(недаступная спасылка)