Аляксандр Канстанцінавіч Аверкаў

Аляксандр Канстанцінавіч Аверкаў
Дата нараджэння	23 студзеня 1960(1960-01-23) (65 гадоў)
Месца нараджэння	Аркадак, Аркадакскі раён[d], Саратаўская вобласць, РСФСР, СССР
Грамадзянства	СССР  Беларусь
Адукацыя	Вышэйшае тэатральнае вучылішча імя М. С. Шчэпкіна (1984)
Месца працы	Нацыянальная дзяржаўная тэлерадыёкампанія Рэспублікі Беларусь Агульнанацыянальнае тэлебачанне
Прафесія	акцёр
Прэміі
Узнагароды
IMDb	ID 11439486

Аляксандр Канстанцінавіч Аверкаў (руск.: Александр Константинович Аверков; 23 студзеня 1960, Аркадак, Саратаўская вобласць, РСФСР) — беларускі журналіст, тэлевядучы. Заслужаны дзеяч культуры Рэспублікі Беларусь (2010), лаўрэат Дзяржаўнай прэміі Рэспублікі Беларусь (2004).

У 1984 г. скончыў Тэатральную вучэльню імя Шчэпкіна (курс В. І. Каршунова. Па размеркаванні стаў працаваць на беларускім тэлебачанні ў якасці акцёра гутарковага жанру галоўнай дырэкцыі праграм для дзяцей, рэжысёрам спартыўных перадач. Голасам Аверкава гаварыў папулярны герой «Калыханкі» — Воўк Вова. З чэрвеня Вядучы дырэкцыі інфармацыйнага вяшчэння ЗАТ «Другі нацыянальны тэлеканал». З чэрвеня 2002 г. вядучы праграм «Наши новости» і «Контуры» ЗАТ «Другі нацыянальны тэлеканал».

У чэрвені 2007 г. разам з паэтам Уладзімірам Карызнам, Аляксандрам Мядзведзем удзельнічаў ва ўстаноўчым сходзе мінскай арганізацыі «Белая Русь». У 2012 г. атрымаў грант Magna Carta College Oxford на навучанне ў Оксфардскім універсітэце.

У свабодны час здымаецца ў расійскіх фільмах і серыялах.

• 1984 — Іншапланецянка
• 1985 — Вялікая прыгода
• 1986 — Міхайла Ламаносаў (студэнт)
• 2004 — Выклік (Рукавішнікаў)
• 2015 — У сузор’е стральца
• 2016 — Выкрадзі мяне.

Першая жонка, актрыса Беларускага дзяржаўнага маладзёжнага тэатра Алёна Акулёнак, ад якой у А. Аверкава нарадзілася дачка Вольга Аверкава-Літвінава (тэлевядучая на «РТР-Беларусь» і «ВТБ») і сын Глеб (урач; жыве ў Маскве).

• Дзяржаўная прэмія Рэспублікі Беларусь у галіне літаратуры, мастацтва і архітэктуры (2004, у аўтарскім калектыве) — за стварэнне дванаццацісерыйнага дакументальнага фільма «Найноўшая гісторыя».
• Медаль Францыска Скарыны (2006).
• Ганаровае званне «Заслужаны дзеяч культуры Рэспублікі Беларусь» (2010).