Аляксандр Мікалаевіч Аляксандраў

Аляксандр Мікалаевіч Аляксандраў
Аляксандр Мікалаевіч Аляксандраў
Род дзейнасці	дыпламат
Дата нараджэння	17 жніўня 1960 (64 гады)
Месца нараджэння	Мінск, БССР, СССР;
Грамадзянства	Беларусь;
Альма-матар	МінСВУ (1977); Свярдлоўскае вышэйшае ваенна-палітычнае танка-артылерыйскае вучылішча[d] (1981); Ваенны ўніверсітэт Міністэрства абароны Расійскай Федэрацыі (1995);
Узнагароды і прэміі

Аляксандр Мікалаевіч Аляксандраў (нар.17 жніўня 1960, Мінск) — беларускі дыпламат.

Біяграфія

У 1977 годзе скончыў Мінскае сувораўскае ваеннае вучылішча, у 1981 годзе — Свярдлоўскае вышэйшае ваенна-палітычнае танка-артылерыйскае вучылішча, у 1995 годзе — Ваенны ўніверсітэт Міністэрства абароны Расійскай Федэрацыі. У 1989—1991 гадах праходзіў навучанне ў ваеннай акадэміі Рэвалюцыйных Узброеных Сіл Рэспублікі Куба.

У 1981—1997 гадах — служба на розных афіцэрскіх пасадах у войсках Узброеных Сіл Рэспублікі Беларусь. У 1997—2013 гадах — служба на розных афіцэрскіх пасадах у цэнтральным апараце Міністэрства абароны і Генеральнага штаба Узброеных Сіл Рэспублікі Беларусь. У 2005—2008 гадах — аташэ па пытаннях абароны, ваенны і ваенна-паветраны аташэ пры Пасольстве Рэспублікі Беларусь у ЗША. У 2010—2013 гадах — аташэ па пытаннях абароны, ваенны і ваенна-паветраны аташэ пры Пасольстве Рэспублікі Беларусь у Баліварыянскай Рэспубліцы Венесуэла. У ліпені 2013 — лютым 2015 года — начальнік упраўлення ваенна-тэхнічнага супрацоўніцтва і развіцця экспарту Дзяржаўнага ваенна-прамысловага камітэта Рэспублікі Беларусь. З лютага 2015 па чэрвень 2015 года — Пасол па асобых даручэннях Міністэрства замежных спраў Рэспублікі Беларусь.

З 25 чэрвеня 2015 г. па 18 чэрвеня 2021 г.^[1] — Надзвычайны і Паўнамоцны Пасол Рэспублікі Беларусь у Рэспубліцы Куба і Мексіканскіх Злучаных Штатах па сумяшчальніцтве.