Аляксандр Мікалаевіч Стома

Аляксандр Мікалаевіч Стома
дэпутат Наваполацкага гарадскога Савета дэпутатаў[d] 2014 — 2018
Дэпутат Віцебскага абласнога Савета дэпутатаў[d] 2018 — 2024
дэпутат Наваполацкага гарадскога Савета дэпутатаў[d] 2018 — 2024
дэпутат Палаты прадстаўнікоў Нацыянальнага сходу Рэспублікі Беларусь[d] з 2024
Нараджэнне	8 чэрвеня 1965(1965-06-08) (60 гадоў) Дзісна, Мёрскі раён, Віцебская вобласць, Беларуская ССР, СССР
Партыя	Белая Русь
Адукацыя	Віцебскі дзяржаўны медыцынскі ўніверсітэт ІПКіПКАЗ
Месца працы	Наваполацкая цэнтральная гарадская бальніца Полацкая цэнтральная гарадская бальніца
Узнагароды	Чалавек года Віцебшчыны[d] (2016)

Аляксандр Мікалаевіч Стома (нар. 8 чэрвеня 1965, г. Дзісна, Мёрскі раён, Віцебская вобласць) — беларускі ўрач, дэпутат Палаты прадстаўнікоў Нацыянальнага сходу Рэспублікі Беларусь з 2024 года.

Нарадзіўся 8 чэрвеня 1965 года ў г. Дзісне Мёрскага раёна Віцебскай вобласці^[1].

Скончыў Віцебскі дзяржаўны медыцынскі інстытут па спецыяльнасці «Лячэбная справа»; прайшоў перападрыхтоўку ў Беларускай медыцынскай акадэміі паслядыпломнага навучання, урач-арганізатар аховы здароўя^[1].

Працаваў урачом-отарыналарынголагам у МСЧ ВА «Бабруйскшына»; урачом-отарыналарынголагам паліклінікі № 1 г. Наваполацка; урачом-ардынатарам лор-аддзялення Наваполацкай цэнтральнай гарадской бальніцы; урачом-отарыналарынголагам паліклінікі № 2 ААТ «Нафтан»; намеснікам галоўнага ўрача па амбулаторна-паліклінічнай рабоце Наваполацкай цэнтральнай гарадской бальніцы; галоўным урачом Полацкай цэнтральнай гарадской бальніцы^[1].

Выбіраўся дэпутатам Наваполацкага гарадскога Савета дэпутатаў 27-га і 28-га скліканняў, дэпутатам Віцебскага абласнога Савета дэпутатаў 28-га склікання^[1].

Член Беларускай партыі «Белая Русь»^[1].

У 2024 годзе стаў дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Полацкай сельскай акругі № 28. Член Пастаяннай камісіі па бюджэце і фінансах^[1].

Узнагароджаны нагрудным знакам «Выдатнік аховы здароўя Рэспублікі Беларусь»^[1].

Удастоены звання «Чалавек года Віцебшчыны — 2016»^[1].

Жанаты, мае дваіх дзяцей.

• Біяграфія на сайце Палаты прадстаўнікоў Нацыянальнага сходу Рэспублікі Беларусь