Белая Русь (партыя)

Беларуская партыя «Белая Русь»
Беларуская партыя «Белая Русь»
Лідар	Алег Аляксандравіч Раманаў
Дата заснавання	18 сакавіка 2023 (палітычная партыя)
Штаб-кватэра	Мінск, Вул. Фрунзэ 5
Краіна	Беларусь;
Ідэалогія	парасонавая партыя, этатызм, еўраскептыцызм, аўтарытарызм, сацыял-кансерватызм, лаялізм
Саюзнікі і блокі	Рэспубліканскі кардынацыйны савет кіраўнікоў палітычных партый і грамадскіх аб'яднанняў (РКСКППГА); Адзіная Расія
Колькасць членаў	16 000 (2023)
Дэвіз	За моцную і квітнеючую Беларусь!
Месцаў у Палаце прадстаўнікоў	68 / 110
Месцаў у Савеце Рэспублікі	46 / 64
Сайт	partiya.by

Бе́лая Русь — беларуская палітычная партыя, створаная ў 2023 годзе на аснове рэспубліканскага грамадскага аб’яднання «Белая Русь», галоўная праўладная партыя рэжыму Лукашэнкі.

Пра намер пераўтварыць грамадскую арганізацыю палітычную партыю было абвешчана ў лютым 2023 года ^[3]. У пачатку сакавіка была апублікавана праграма будучай партыі^[4]. Устаноўчы З’езд партыі прайшоў у Канцэртнай зале «Мінск» 18 сакавіка 2023 года. Каля 1000 дэлегатаў і 15 948 прысутных на ўстаноўчым З’ездзе аднагалосна прагаласавалі за стварэнне новай беларускай палітычнай партыі. У прэзідыум першага З’езду ўвайшлі 12 чалавек. Былі прынятыя Статут і праграма партыі. Па аднагалосным рашэнні партыю ўзначаліў кіраўнік рэспубліканскага грамадскага аб’яднання Алег Аляксандравіч Раманаў.

Грамадскае аб’яднанне працягвае існаваць паралельна^[5].

Функцыі

Як адзначаюць праваабаронцы, адной з функцый партыі ёсць удзел у імітацыі грамадскай дзейнасці і палітычных працэсаў у інтарэсах рэжыму Лукашэнкі ва ўмовах адсутнасці апазіцыйных партый^[6]. Таксама важнай функцыяй выступае дзяржаўная прапаганда і палітычны кантроль^[6]^[7].