Аляксандр Пятровіч Веліксонаў

Аляксандр Пятровіч Веліксонаў (нар. 12 студзеня 1937(1937-01-12), Доркі, Журавіцкі раён) — беларускі скульптар.

Нарадзіўся 12 студзеня 1937 года ў пасёлку Доркі Журавіцкага раёна (цяпер — Быхаўскі раён Магілёўскай вобласці)^[1].

Скончыў Беларускі тэатральна-мастацкі інстытут у 1965 годзе. Вучыўся ў А. Глебава і А. Бембеля^[1].

Удзельнічае ў мастацкіх выставах з 1965 года. У 1974–1988 гадах выкладаў у Беларускім тэатральна-мастацкім інстытуце^[1].

Член Беларускага саюза мастакоў з 1963 года^[1].

Жыве ў Мінску^[1].

Працуе ў галіне манументальнай і станковай скульптуры^[1].

Сярод асноўных твораў: помнікі на месцы расстрэлу фашыстамі савецкіх актывістаў у в. Лішкі Бераставіцкага раёна^[1]; аднавяскоўцам, якія загінулі ў Вялікую Айчынную вайну, у вучэбнай гаспадарцы сельгастэхнікума ў г. Мар’іна Горка (1967)^[2]; аднавяскоўцам і партызанам у в. Шайцерава Верхнядзвінскага раёна (1970); ахвярам фашызму каля г. Чэрвеня (1976); спаленай вёсцы ў в. Хутар Светлагорскага раёна (1981; усе ў сааўтарстве з архітэктарам Ю. Казаковым)^[2].

Сярод станковых кампазіцый — «Плыўчыха», «Лянок» (1967), «Сям’я бацькі Міная», «Маці-партызанка» (абедзве 1970), «Жніво» (1974), а таксама шэраг шэраг мемарыяльных дошак, дэкаратыўных рэльефаў^[2][1].

Творы захоўваюцца ў Нацыянальным мастацкім музеі Беларусі^[1].

• Веліксонаў Аляксандр Пятровіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
• Веліксонаў Аляксандр Пятровіч // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).