Аляксандр Пятровіч Дуровіч

Аляксандр Пятровіч Дуровіч
Дата нараджэння	21 лістапада 1957(1957-11-21) (67 гадоў)
Месца нараджэння	Карытніца, Ільянскі сельсавет, Вілейскі раён, Маладзечанская вобласць, БССР, СССР
Род дзейнасці	навуковец, выкладчык універсітэта
Навуковая сфера	эканоміка
Месца працы	Міжнародны ўніверсітэт МІПСА Беларускі дзяржаўны эканамічны ўніверсітэт
Навуковая ступень	доктар эканамічных навук (2001)
Альма-матар	Беларускі дзяржаўны інстытут народнай гаспадаркі імя В. У. Куйбышава (1979)
Узнагароды

Аляксандр Пятровіч Дуровіч (нар. 21 лістапада 1957, в. Карытніца, Вілейскі раён, Мінская вобласць) — беларускі вучоны-эканаміст, доктар эканамічных навук.

Нарадзіўся 21 лістапада 1957 года ў вёсцы Карытніца, скончыў Ільянскую сярэднюю школу ў 1975 годзе^[1], у 1979 годзе з адзнакай скончыў Беларускі дзяржаўны эканамічны ўніверсітэт.

У 1979—1980 гадах працаваў старшым тавараведам упраўлення гандлю прамысловымі таварамі Белкаапсаюза. З 1980 года стаў працаваць на пасадзе асістэнта кафедры таваразнаўства Беларускага дзяржаўнага эканамічнага ўніверсітэта, затым — дацэнта, а з 1997 года — на пасадзе загадчыка кафедры кіравання турызмам. З 2006 года працуе на пасадзе прафесара ў Міжнародным універсітэце «МІПСА»^[2].

У 1984 годзе па вочнай форме навучання скончыў аспірантуру Расійскага эканамічнага ўніверсітэта імя Г. В. Пляханава. Праз год абараніў дысертацыю на суісканне вучонай ступені кандыдата эканамічных навук, а 30 сакавіка 2001 года — дысертацыю на суісканне вучонай ступені доктара эканамічных навук па спецыяльнасці 08.00.05 «Эканоміка і кіраванне народнай гаспадаркай» на тэму «Кіраванне маркетынгам ў сістэме турызму Рэспублікі Беларусь» у Беларусім дзяржаўным эканамічным універсітэце.

Аўтар каля 200 навуковых і вучэбна-метадычных работ, у тым ліку трох манаграфій і 14 навучальных дапаможнікаў. Асноўныя навуковыя працы прысвечаны тэарэтыка-метадалагічным праблемам маркетынгу, пытанням фарміравання нацыянальнай мадэлі ўстойлівага развіцця турызму ў Беларусі^[3]. Прымаў удзел у падрыхтоўцы Нацыянальных праграм развіцця турызму на 2001—2005 гг. і 2005—2010 гг., а таксама Дзяржаўнай праграмы развіцця турызму на 2010—2015 гг., як эксперт прымаў удзел у рэалізацыі міжнародных праектаў у сферы турызму.

• дыплом Міністэрства адукацыі Рэспублікі Беларусь (2000);
• персанальная надбаўка Прэзідэнта Рэспублікі Беларусь за выдатны ўклад у развіццё вышэйшай адукацыі (2001);
• Ганаровая грамата Беларускага дзяржаўнага эканамічнага ўніверсітэта (2003);
• дыплом лаўрэата І Рэспубліканскага конкурсу «Пазнай Беларусь» (2003);
• юбілейная грамата «80 гадоў прафсаюзнай адукацыі» (2010);
• ганаровая грамата Федэрацыі прафсаюзаў Беларусі (2010(;
• юбілейны медаль «110 гадоў прафсаюзнаму руху Беларусі» (2015).

• Канкурэнтаздольнасць тавараў у сістэме маркетынгу. Мінск: БДЭУ, 1993.
• Маркетынг ў прадпрымальніцкай дзейнасці. Мінск: Фінансы, улік, аўдыт, 1997.
• Рэклама ў турызме. Мінск: БДЭУ, 2000.
• Упраўленне маркетынгам ў турызме. Мінск: БДЭУ, 2000.
• Маркетынг ў турызме. Мінск: Новае веданне, 2001.
• Асновы маркетынгу. Мінск: Новае знаніе, 2006.
• Маркетынгавыя даследаванні ў турызме. Санкт-Пецярбург: Піцер, 2008.
• Маркетынгавыя даследаванні. Мінск: Тэтрасістэмс, 2009.
• Маркетынг. Мінск: Сучасная школа, 2010.
• Арганізацыя турызму. Санкт-Пецярбург: Піцер, 2011.
• Міжнародны маркетынг. Мінск: МІПСА, 2012.
• Рэклама ў турызме. Масква: Інфра-М, 2015.
• Маркетынг. Мінск: МІПСА, 2015.
• Маркетынг ў турызме. Масква: Інфра-М, 2016.
• Маркетынг ва ўмовах глабалізацыі. Мінск: МІПСА, 2016.

• Беларуская энцыклапедыя. У 18 т. Т. 18, кн. 1. — Мінск, 2004.
• Республика Беларусь : энциклопедия. [В 7 т.]. Т. 3. — Минск, 2006.