Аляксей Дзмітрыевіч Церашкоў

Аляксей Дзмітрыевіч Церашкоў
Дата нараджэння	17 сакавіка 1893(1893-03-17)
Месца нараджэння	Карма, Гомельскі павет, Магілёўская губерня, Расійская імперыя
Дата смерці	18 сакавіка 1960(1960-03-18) (67 гадоў)
Месца смерці	Горкі, Горкаўская вобласць, РСФСР, СССР
Месца пахавання	Мар’іна Рошча[d]
Альма-матар	Ваенная акадэмія імя М. В. Фрунзэ курсы «Выстрал»[d] (1922)
Грамадзянства	СССР  Расійская імперыя
Прыналежнасць	СССР
Род войскаў	пяхота
Званне	генерал-лейтэнант
Камандаваў	413th Rifle Division[d]
Бітвы/войны	Першая сусветная вайна Вялікая Айчынная вайна Грамадзянская вайна ў Расіі грамадзянская вайна ў Іспаніі Савецка-японская вайна
Узнагароды і званні

Аляксей Дзмітрыевіч Церашко́ў^[1] (18 лютага 1893, вёска Карма, Добрушскі раён, Гомельская вобласць — 18 сакавіка 1960, Горкі, РСФСР) — савецкі ваенны дзеяч, генерал-лейтэнант (1945). Герой Савецкага Саюза (1945).

На ваеннай службе з 1914 года. Удзельнік Першай сусветнай вайны. З 1918 года А. Д. Церашкоў у Чырвонай Арміі, удзельнік Грамадзянскай вайны на Заходні фронт|Заходнім фронце. У 1922 годзе скончыў курсы «Выстрал», у 1941 годзе курсы ўдасканалення каманднага саставу пры Ваеннай акадэміі імя Фрунзэ. 23 мая 1943 года генерал-маёр А. Д. Церашкоў прызначаны камандзірам 38-га стралковага корпуса, які ўзначальваў да Перамогі. Корпус у складзе 50-й, 49-й і 33-й армій прымаў удзел у Смаленскай, Бранскай, Гомельска-Рэчыцкай наступальных аперацыях. У Беларускай стратэгічнай наступальнай аперацыі генерал-маёр А. Д. Церашкоў паспяхова дзейнічаў пры акружэнні і знішчэнні Магілёўскай групоўкі праціўніка, а ў ходзе Мінскай аперацыі забяспечыў высокі тэмп наступлення, з ходу вызваліўшы гарады Чавусы і Чэрвень. Корпус вызначыўся пры фарсіраванні Віслы ў раёне горада Пулавы і утрыманні пулаўскага плацдарма.

14 студзеня 1945 года ў ходзе Вісла-Одэрская стратэгічнай наступальнай аперацыі 38-ы стралковы корпус генерала А. Д. Церашкова ў складзе 33-й арміі 1-га Беларускага фронту прарваў абарону праціўніка на пулаўскім плацдарме і прыступіў да пераследу ворага. З ходу фарсіраваўшы раку Варта, байцы корпуса за 15 сутак з баямі прайшлі 400 кіламетраў, першымі з стралковых падраздзяленняў фронту ўступілі на тэрыторыю Германіі — Брандэнбурга, фарсіравалі Одэр і захапілі плацдарм у раёне горада Фюрстэнберг.

Званне Героя Савецкага Саюза было прысвоена Указам Прэзідыума Вярхоўнага Савета СССР ад 6 красавіка 1945 года.

Пасля разгрому Германіі генерал-лейтэнант Церашкоў удзельнічаў у савецка-японскай вайне.

У пасляваеннай час генерал-лейтэнант Церашкоў працягнуў службу: камандаваў корпусам, быў намеснікам камандуючага Горкаўскага ваеннай акругі па ВНУ. З 1953 года ў адстаўцы. Пражываў у горадзе Горкім.

• Церашко́ў Аляксей Дзмітрыевіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 106. — 10 000 экз. — ISBN 985-11-0035-8. — ISBN 985-11-0279-2 (т. 17).

Аляксей Дзмітрыевіч Церашкоў на сайце «Героі краіны»