Андрэй Кашперскі

Андрэй Кашперскі
Андрэй Кашперскі (злева) і Міхаіл Зуй на фестывалі «Serial Killer» у Чэхіі, 27 верасня 2024
Дата нараджэння	27 чэрвеня 1995(1995-06-27) (30 гадоў)
Месца нараджэння	Брэст, Брэсцкая вобласць, Беларусь
Грамадзянства	Беларусь
Адукацыя	Беларуская дзяржаўная акадэмія мастацтваў (2017)
Прафесія	кінарэжысёр, сцэнарыст, мантажор, прадзюсар
Кар’ера	з 2012
IMDb	ID 8794328

Андрэй Кашперскі (нар. 27 чэрвеня 1995(1995-06-27), Брэст) — беларускі кінарэжысёр, сцэнарыст, мантажор, прадзюсар.

Нарадзіўся 27 чэрвеня 1995 года ў Брэсце^[1]. Свае першыя аматарскія фільмы пачаў здымаць з сябрамі з дзіцячай пляцоўкі ва ўзросце 12 гадоў. Праз два гады заснаваў творчую групу з 17 чалавек^[2] A&B Films, якая здымала кароткаметражныя фільмы ў Брэсце. У 16 гадоў прыняў удзел у кінафестывалях «Смартфільм» і «Творі Гора»^[3]. У 2017 годзе скончыў Беларускую дзяржаўную акадэмію мастацтваў па спецыяльнасці «рэжысура»^[2]. Падчас вучобы атрымліваў прэзідэнцкую стыпендыю для таленавітай моладзі^[4]. Да моманту заканчэння вучобы ён зняў 11 кароткаметражных фільмаў, у тым ліку некалькі выдатных і ўзнагароджаных на міжнародных фестывалях^[2]. Пасля гэтага некаторы час працаваў на Беларускай дзяржаўнай кінастудыі «Беларусьфільм»^[3].

У 2018 годзе далучыўся да каманды папулярнага беларускага YouTube канала «Гусін». Для яго ён стварыў сезон серыяла пра гусака па мянушцы Харві, які жыве ў гарадской кватэры^[2]. У 2020 годзе разам з акцёрамі Тэатр імя Янкі Купалы Міхаілам Зуем і Дзмітрыем Есяніевічам заснаваў YouTube-канал пад назвай «ChinChinChannel»^[3], дзе з’яўляецца рэжысёрам і шоуранерам. Канал высмейвае ўрадавую прапаганду і стэрэатыпных чыноўнікаў^[2]. Кашперскі стварае для канала сатырычныя матэрыялы, кліпы і кароткаметражныя фільмы, такія як «Шчучыншчына», які ў 2025 годзе набраў больш за 1,1 мільёна праглядаў. У канцы 2020 года зняў поўнаметражны камедыйны навагодні мюзікл «ЧынЧыны ў краіне цудаў», які трансляваўся на Белсат^[3].

У 2021 годзе разам з камандай «ChinChinChannel» паехаў ва Украіну, дзе здымаў сатырычны серыял «Тут бы Ленін». Пасля здымак каля 1/3 матэрыялу праца была спыненая пачаткам поўнамаштабнай расійска-ўкраінскай вайны ў 2022 годзе^[2]. У сакавіку 2022 года пераехаў у Польшчу, дзе жыве і працуе рэжысёрам^[3]. Ён з’яўляецца членам Беларускай незалежнай кінаакадэміі^[5]. У 2023 годзе зняў чатырохсерыйны кароткаметражны серыял «Працэсы», які трансляваўся на YouTube-канале «Вот так», што з’яўляецца часткай тэлеканала Белсат. Серыял атрымаў шматлікія ўзнагароды на фестывалях у Еўропе і ЗША^[6][7][8]. У 2025 годзе Кашперскі зняў кароткаметражны фільм жахаў: «Суд мёртвых» з Зояй Белахвосцік у галоўнай ролі^[9].

• Намінацыя на галоўны прыз у катэгорыі «лепшы фільм» за фільм «Тут быў Саша» у конкурсе «Карочэ» (2017)^[8];
• Спецыяльны прыз за 1-ы эпізод і намінацыя на галоўны прыз за 2-і эпізод серыяла «Працэсы» ў Беларускім конкурсе на кінафестывалі Паўночных і Балтыйскіх краін «Паўночнае ззянне» (2023)^[8];
• Ганаровая згадка за 1-ы эпізод серыяла «Працэсы» ў катэгорыі «Фантастычныя кароткаметражкі» на фестывалі «Fantastic Fest» у Остыне, штат Тэхас (верасень 2023 г.)^[7];
• Перамога серыяла «Працэсы» ў намінацыі «Quick Killer» на Міжнародным фестывалі «Serial Killer» ў Брно (2024)^[6].

1. ↑ ^{а б} Андрей Кашперский (руск.). kinopoisk.ru. Архівавана з першакрыніцы 18 чэрвеня 2025. Праверана 18 чэрвеня 2025.
2. ↑ ^{а б в г д е ё} Андрэй Кашперскі  (бел.). vodblisk.com. Архівавана з першакрыніцы 12 чэрвеня 2025. Праверана 18 чэрвеня 2025.
3. ↑ ^{а б в г д} Andrei Kaszperski (польск.). Бульбамуві. Архівавана з першакрыніцы 11 чэрвеня 2025. Праверана 12 чэрвеня 2025.
4. ↑ К., М. «Гумар дапамагае не апускаць рукі». Рэжысёр Андрэй Кашперскі пра палітычную сатыру, серыял «Працэсы» і планы на будучыню  (бел.). Будзьма беларусамі! (29 сакавіка 2024). Архівавана з першакрыніцы 6 кастрычніка 2024. Праверана 26 чэрвеня 2025.
5. ↑ Сябры кінаакадэміі  (бел.). Беларуская незалежная кінаакадэмія. Архівавана з першакрыніцы 12 чэрвеня 2025. Праверана 18 чэрвеня 2025.
6. ↑ ^{а б} Беларускія стужкі атрымалі ўзнагароды на кінафестывалях  (бел.). Nasza Niva (24 верасня 2024). Архівавана з першакрыніцы 18 чэрвеня 2025. Праверана 18 чэрвеня 2025.
7. ↑ ^{а б} Anderson, Erik. Fantastic Fest Announces 2023 Award Winners: ‘Property,’ ‘I’ll Crush Y’all,’ ‘Shackle’ and More (англ.). awardswatch.com (26 верасня 2023). Архівавана з першакрыніцы 2 снежня 2024. Праверана 26 чэрвеня 2025.
8. ↑ ^{а б в} Awards (англ.). Internet Movie Database. Архівавана з першакрыніцы 18 чэрвеня 2025. Праверана 18 чэрвеня 2025.
9. ↑ Мираш, Дмитрий. «И мертвые восстают». Андрей Кашперский рассказал о своем новом фильме «Суд мертвых» (руск.). Белсат (12 студзеня 2025). Архівавана з першакрыніцы 25 сакавіка 2025. Праверана 26 чэрвеня 2025.