Міхаіл Валер’евіч Зуй

Міхаіл Валер’евіч Зуй
Дата нараджэння	4 красавіка 1981(1981-04-04) (44 гады)
Месца нараджэння	Мінск, Беларуская ССР, СССР
Грамадзянства	Беларусь
Адукацыя	Беларуская дзяржаўная акадэмія мастацтваў
Прафесія	акцёр, сцэнарыст, кампазітар
Тэатр	Нацыянальны акадэмічны тэатр імя Янкі Купалы
Член у	Дзецідзяцей
Узнагароды
IMDb	ID 8118935

Міхаіл Валер’евіч Зуй (нар. 4 красавіка 1981, Мінск) — беларускі акцёр і музыкант.

Нарадзіўся 4 красавіка 1981 года ў Мінску.

У 2001 годзе з Паўлам Яскевічам заснаваў музычны гурт ili-ili. У 2002 годзе скончыў тэатральны факультэт Беларускай дзяржаўнай акадэміі мастацтваў па спецыяльнасці «Акцёрскае мастацтва драматычнага тэатра і кіно» (курс народнага артыста Беларусі В. М. Раеўскага). Працаваў у Нацыянальным акадэмічным тэатры імя Янкі Купалы з 2002 года^[1].

Пасля масавых фальсіфікацый на прэзідэнцкіх выбарах 2020 года, жорсткага разгону акцый пратэстаў, збіцця і катаванняў затрыманых пратэстоўцаў, калектыў Купалаўскага тэатра 13 жніўня 2020 года патрабаваў спыніць гвалт да мірных грамадзян і выступіў за пералік галасоў з удзелам незалежных назіральнікаў. 17 жніўня 2020 года ўладамі звольнены дырэктар тэатра Павел Латушка. 26 жніўня 2020 года Міхаіл Зуй разам з большасцю трупы і іншымі супрацоўнікамі тэатра звольніўся ў знак пратэсту.^[2].

Станам на снежань 2024 года, жыве ў Польшчы, працуе вядучым на тэлеканале «Белсат».

Ролі ў тэатры:

• Мікіта («Ажаніцца — не журыцца» бр. Далецкіх, М. Чарота)
• Вен («Налу» Я. Русакевіч, В. Любецкага)
• Эйбл («Уваходзіць свабодны чалавек» Т. Стопарда)
• Казачнік («Снежная каралева» Я. Шварца)
• Спадарожнік («Мы і ЯНО» паводле А. Аверчанкі)
• Пётр («Маці» К. Чапэка)
• Янка («Сны аб Беларусі» паводле У. Караткевіча і Янкі Купалы)
• Грышка («Пінская шляхта» В. Дуніна-Марцінкевіча)
• Андрэй Андрэевіч Нюнін («Вяселле» паводле А. Чэхава)
• Доўлці («Translations» Б. Фрыла)
• Немец («Не мой» паводле А. Адамовіча)
• Крэцкі («Офіс» І. Лаўзунд)
• Коўлмэн Конар («Самотны захад» М. Мак-Донаха)
• Ткач («Ноч на Каляды» паводле М. Гогаля)
• Вялікі Клаўс («Лістапад. Андэрсен» паводле А. Паповай)
• Якім Сарока («Паўлінка» Я. Купалы), Грышка («Пінская шляхта» В. Дуніна-Марцінкевіча), Ткач («Ноч на Каляды^[ru]» паводле М. Гогаля), Маёр Плут («Пан Тадэвуш» А. Міцкевіча), Іван («АРТ^[en]» Я. Рэза), Князь Гальшанскі («Дзве душы» М. Гарэцкага), Іван Кузьміч Шпекін («Рэвізор» М. Гогаля), Віктар («Зямля Эльзы» Я. Пуліновіч^[ru]), Андрусь («Радзіва Прудок» А. Горвата), Матавіла («Сон у купальскую ноч» У. Шэкспіра), Ягор («Ураджай» П. Пражко), Францішак («Шляхціц Завальня, або Беларусь у фантастычных апавяданнях» паводле Я. Баршчэўскага)^[1], а таксама быў заняты ў спектаклях «Translations» Браяна Фрыла (прэм’ера 2009), «Войцек» Георга Бюхнера (прэм’ера 2017) і іншых.

23 верасня 2020 павінна была адбыцца прэм’ера спектакля «Тутэйшыя» па аднайменным творы Янкі Купалы, пастаўленага ў новай версіі рэжысёрам Мікалаем Пінігіным. У гэтым спектаклі Міхаілу была даручана роль настаўніка Янкі Здольніка^[3].

У 2005—2010 гадах удзельнік гурта Дзецідзяцей (гітара, бэк-вакал, тэксты і інш). З 2011 года ўдзельнічае ў гурце ili-ili.

• медаль Францыска Скарыны (2020)^[4].

• Міхась Зуй на сайце Нацыянальнага акадэмічнага тэатра імя Янкі Купалы.