Атылія Адэльбарг

Атылія Адэльбарг
шведск.: Ottilia Adelborg[1]
Дата нараджэння	6 снежня 1855(1855-12-06)[2][3][…]
Месца нараджэння	Karlskrona city community[d], камуна Карлскруна, лен Блекінгэ, Швецыя[2][4] або Карлскруна, камуна Карлскруна, лен Блекінгэ, Швецыя[5]
Дата смерці	19 сакавіка 1936(1936-03-19)[2][3][…] (80 гадоў)
Месца смерці	Gagnef parish[d], Гагнеф, лен Даларна, Швецыя[6]
Грамадзянства	Швецыя[7]
Бацька	Bror Jacob Adelborg[d]
Род дзейнасці	ілюстратарка, пісьменніца, мастачка, мастак коміксаў
Вучоба	Каралеўская акадэмія вольных мастацтваў (1884)[4]
Медыяфайлы на Вікісховішчы

Ева Атылія Адэльбарг (шведск.: Eva Ottilia Adelborg; 6 снежня 1855 — 19 сакавіка 1936) — шведская мастачка, ілюстратар дзіцячых кніг, заснавальніца школы карункапляцення.

У 2000 годзе ў Швецыі была заснавана літаратурная прэмія імя Атыліі Адэльбарг.

Ева Атылія Адэльбарг нарадзілася ў горадзе Карлскруна, Швецыя.

Яна была ўнучкай Эрыка Ота Борга (1741—1787), шведскага армейскага капітана, які атрымаў прозвішча Адэльбарг ад караля Швецыі Густава III.

Яе сястра, Гертруда, была змагаром за правы жанчын у Швецыі, а яе другая сястра, Марыя Адэльбарг, таксама стала вядомай мастачкай.

У Атыліі рана выявіўся талент да малявання. З 1878 па 1884 гады яна вучылася ў Каралеўскай акадэміі мастацтваў, пазней працягнула мастацкую адукацыю за межамі Швецыі — Адэльбарг знаёмілася з шэдэўрамі сусветнага жывапісу ў паездках па Галандыі (1898), Італіі (1901) і Францыі.

Адэльбарг стала вядомая як ілюстратар дзіцячых кніг. Мастачка малявала ў рознай тэхніцы: алоўкам, акварэллю, вуглём, алеем. З 1885 па 1920 гады яна ілюстравала больш за дзесятак сваіх кніг і яшчэ з дзясятак выданняў іншых аўтараў.

Адным з яе самых вядомых твораў была Азбука кветак — Prinsarnes blomsteralfabet (Кветкавы алфавіт, 1892).

Яшчэ адной паспяховай яе працай стала дзіцячая кніга Pelle Snygg och barnen i Snaskeby (1896).

За гэтыя і іншыя яе раннія працы Адэльбарг называюць стваральніцай шведскай ідэі кнігі з малюнкамі для дзяцей. У 1911 годзе яна распрацавала постэр для першай буйной выставы жанчын-мастачак у Швецыі.

Акрамя малявання, Адельбарг таксама было цікава майстраваць, і ў 1899 годзе яна стала членам праўлення створанай Асацыяцыі шведскіх рамёстваў.

У 1903 годзе яна пераехала ў Гагнеф, дзе заснавала школу карункапляцення. Атылія памерла 19 сакавіка 1936 года.

Яе працы знаходзяцца ва ўласнасці музея Атыліі Адэльбарг муніцыпалітэта Гагнеф, музея Цорна і ў Нацыянальным музеі ў Стакгольме.

• 
  Pelle snygg.
• 
  Кот з фільма "Спявай з намі, мама", 1895
• 
  Хлопчык. Нацыянальны музей, Швецыя.
• 
  Saganomaskungenafottilia.
• 
  Karin x Ottilia Adelborg.
• 
  Ottilia Adelborg - Karjalaisia rakennuksia - A III 2477 - Фінская Нацыянальная галерэя.