Аэрапорт Франкфурт-на-Майне

Узлётна-пасадачныя палосы (УПП)
Аэрапорт Франкфурт-на-Майне
Аэрапорт Франкфурт-на-Майне з паветра
Краіна: Рэгіён:	Германія Франкфурт-на-Майне
Тып:	грамадзянскі
Код ІКАА: Код ІАТА:	EDDF FRA
Вышыня: Каардынаты:	+111 м 50°02′ пн. ш. 8°34′ у. д.^HGЯO
Пасажыразварот (год):	56,4 млн (2011])^[1]
Грузазварот (год):	1,75 млн. тон (2004) (117 825 тон пошта)
Колькасць персанала:	65 тыс. (2004) 13 тыс. на Fraport AG
Мясцовы час:	UTC +1
Час працы:	кругласутачна
Эксплуатант:	Fraport AG
Сайт:	frankfurt-airport.de
Нумар	Памеры	Пакрыццё
07C/25C	4 000 × 60 м	бетон
07R/25L	4 000 × 45 м	асфальт
07L/25R — толькі пасадкі / новае УПП	2 800 × 45 м	бетон
18 — толькі ўзлёты на поўдзень	4 000 × 45 м	бетон
Спіс аэрапортаў

Міжнародны аэрапорт Франкфурт-на-Майне, таксама Рэйн-Майнскі Аэрапорт (ням.: Rhein-Main-Flughafen, ІКАО: EDDF, ІАТА: FRA) — найбуйнейшы аэрапорт Германіі.

Па колькасці пасажыраў (у 2006 годзе 52.810.683 чалавек) ён займае трэцяе месца ў Еўропе, пасля лонданскага Хітроў (67.530.197 пасажыраў у 2006 годзе) і парыжскага Шарль-дэ-Голь (56.849.567 пасажыраў у 2006 годзе). Па грузаперавозках займае другое месца ў Еўропе, саступаючы зноў жа парыжскаму Шарль-дэ-Голю.

Аэрапорт Франкфурта-на-Майне быў адным з першых аэрапортаў, дзе пачалі ўжываць аўтаматычную сістэму сартавання багажу.

Аэрапорт мае 4 узлётна-пасадачныя паласы. У адной (07L/25R) пакрыццё асфальтавае, у астатніх - бетоннае. Тры паласы - 07L/25R, 07C/25C, 18 - даўжынёй 4000 метраў, 07R/25L - даўжынёй 2800 метраў.

Паласа 07R/25L выкарыстоўваецца толькі для пасадак. Паласа 18 выкарыстоўваецца толькі для узлётаў на поўдзень, таму значэнне "36" для паказальніка напрамку пасадкі, супрацьлеглага "18", у яе пазначэнне адсутнічае.

Найбліжэйшы аэрапорт - Мангейм-Сіці.

Аэрапорт мае два вялікія тэрміналы і адзін маленькі для VIP. Усяго пяць залаў. Ад першага тэрмінала да другога можна дабрацца па манарэйкавай трасе ўнутры будынка 'Skyline', альбо на бясплатным аўтобусе-шатле, адыходзяць кожныя 10 хвілін з паркоўкі.

Аэрапорт знаходзіцца ў непасрэднай блізкасці ад аўтабанаў A3 і A5.

Да цэнтра Франкфурта можна дабрацца на таксі прыблізна за 50 еўра.

Чыгунка (Вакзал Франкфурт-на-Майне, Аэрапорт): кожныя 15 хвілін ад першага тэрмінала адпраўляецца электрацягнік (S-Bahn 8 і 9) да галоўнага гарадскога вакзала, час у дарозе - 12 хвілін. На станцыю таксама заходзяць некаторыя хуткасныя цягнікі, а таксама звычайныя цягнікі.

Да горада таксама можна дабрацца на аўтобусе.