Балійская мова

Балійская
Саманазва	Basä Bali
Краіны	Інданезія
Рэгіёны	Балі
Агульная колькасць носьбітаў	3690 тыс. (2011)
Класіфікацыя
аўстранезійская малайска-палінезійская малайска-сумбаўская балі-сасакская
Пісьменнасць	балійскае пісьмо[d] і лацінскае пісьмо
Моўныя коды
ДАСТ 7.75–97	бал 078
ISO 639-1	—
ISO 639-2	ban
ISO 639-3	ban
WALS	bal
Ethnologue	ban
ABS ASCL	6514
Код мовы BPS	0096 0
IETF	ban
Glottolog	bali1278
Вікіпедыя на гэтай мове

Балійская мова (Basä Bali) — аўстранезійская мова, родная мова балійцаў. Распаўсюджана пераважна ў інданезійскай правінцыі Балі.

Балійская мова належыць да балі-сасакскіх моў малайска-палінезійскай групы аўстранезійскай моўнай сям’і. З сярэднявечча знаходзілася пад значным уплывам яванскай мовы, адкуль запазычвалася пераважна лексіка. Старажытнаяванская літаратурная мова каві выкарыстоўваецца ў рэлігійнай практыцы на Балі і цяпер.

Для балійскай мовы характэрны вялікая колькасць выбухных зычных (8 з 17) і націск на апошні склад.

Вылучаецца шэраг дыялектаў, асабліва моцныя адрозненні ад стандартаў маюць дыялекты дарма лаксана жыхароў суседняга з Балі вострава Пеніда і балі ага, распаўсюджаны ў некаторых горных раёнах Балі. Апошні амаль не зведаў уплыву каві і часам вылучаецца ў асобную мову.

У выніку пашырэння інданезійскай мовы колькасць балійцаў, якія стала размаўляюць на роднай мове ў паўсядзённым жыцці, у наш час паступова скарачаецца.

Балійская пісьмовасць каракан на аснове старажытнаіндыйскага пісьма брахмі вядома з XI ст. і шырока ўжываецца і ў нашы дні. Прыклад запісу на каракан:

У XX ст. таксама распаўсюдзіўся алфавіт тулісан Балі на аснове лацінкі. Ім карыстаюцца ў школьнай адукацыі і сродках масавай інфармацыі.

У іншым моўным раздзеле ёсць паўнейшы артыкул Balinese language(англ.) Вы можаце дапамагчы праекту, пашырыць цяперашні артыкул праз пераклад.

• omniglot.com
• User-Friendly Guide to Spoken Balinese
• Balinese language ‘will never die’