Барбара Эдмундаўна Будкевіч

Барбара Эдмундаўна Будкевіч
польск.: Barbara Budkiewiczowa
Імя пры нараджэнні	польск.: Barbara Czechowska
Род дзейнасці	рэвалюцыянерка, гісторык
Дата нараджэння	2 снежня 1886(1886-12-02)
Месца нараджэння	Мсціслаўскі павет, Магілёўская губерня, Расійская імперыя
Дата смерці	21 жніўня 1937(1937-08-21) (50 гадоў)
Месца смерці	Масква, РСФСР, СССР
Месца пахавання	Данскія могілкі[d]
Грамадзянства	Расійская імперыя  СССР
Месца працы	Польскі нацыянальны камісарыят[d] Камуністычны ўніверсітэт імя Я. М. Свярдлова[d] Камуністычны ўніверсітэт нацыянальных меншасцей Захаду імя Мархлеўскага[d] Камуністычны ўніверсітэт Беларусі імя У. І. Леніна Нацыянальная акадэмія навук Беларусі Народны камісарыят асветы РСФСР[d] Інстытут польскай пралетарскай культуры Акадэміі навук Беларусі
Альма-матар	Новы ўніверсітэт Бруселя[d] (1912)
Партыя	Польская сацыялістычная партыя[d] Польская сацыялістычная партыя — лявіца[d] КПСС

Барбара Эдмундаўна Будкевіч, таксама Варвара Буткевіч (польск.: Barbara Budkiewiczowa, у дзявоцтве Чахоўская польск.: Czechowska; 2 снежня 1886, маёнтак Глухавец, Мсціслаўскі павет, Магілёўская губерня — 21 жніўня 1937, Масква, НКУС) — дзяячка рэвалюцыйнага руху ў Царстве Польскім, гісторык.

Паходзіла са шляхецкай сям’і. З 1904 года працавала на варшаўскай фабрыцы. З 1904 года член Польскай партыі сацыялістычнай (ППС), з 1906 года — ППС-лявіцы. У 1908—1909 гадах член Варшаўскага камітэта ППС-лявіцы, у 1912—1913 гадах член Лодзінскага камітэта ППС-лявіцы, замежнай секцыі ППС-лявіцы. У 1906 і 1909 годзе арыштоўвалася царскімі ўладамі. У 1912 годзе скончыла Брусельскі (Новы) універсітэт.

З 1913 года ў Санкт-Пецярбургу. Пасля Лютаўскай рэвалюцыі 1917 года ў Польскім нацыянальным камісарыяце пры Наркамнацы РСФСР. З 1918 года кіраўніца польскай секцыі Магілёўскага губернскага аддзела народнай асветы, выкладчыца на курсах чырвоных камандзіраў у Смаленску, кіраўніца польскіх палітычных курсаў пры штабе Заходняга фронту. З 1921 года кіраўніца сектара Камуністычных універсітэтаў імя Свярдлова і нацыянальных меншасцяў Захаду (КУНМЗ), намесніца навуковага сакратара Наркамасветы РСФСР.

З 1926 года выкладчыца ў Камуністычным універсітэце Беларускай ССР. З 1931 года навуковая супрацоўніца польскага сектара, навуковая сакратарка Інстытута польскай пралетарскай культуры АН БССР, дацэнт кафедры ўсеагульнай гісторыі КУНМЗа. Даследавала гісторыю развіцця прамысловасці і фармавання пралетарыяту, рэвалюцыйнага руху ў Польшчы.

У 1930-х гадах працавала навуковай супрацоўніцай выдавецтва «Гісторыя грамадзянскай вайны» і «Гісторыі заводаў» у Маскве. Арыштаваная 14 чэрвеня 1937 года, абвінавачаная ва ўдзеле ў антысавецкай контррэвалюцыйнай арганізацыі. 21 жніўня 1937 года асуджаная Ваеннай калегіяй Вярхоўнага суда СССР да расстрэлу. Крэміравана і пахаваная ў агульнай магіле на Данскіх могілках. Пасмяротна рэабілітаваная 26 траўня 1956 года.

• Ruch robotniczy w Królestwie Polskim w latach 1870-1890, cz. 1: Rozwój i koncentracja przemysłu, położenie proletarjatu, ruch strajkowy, Mińsk: Białoruska Akademia Nauk 1934.

• Будкевіч Барбара Эдмундаўна / БелЭн // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — С. 314. — 10 000 экз. — ISBN 985-11-0035-8. — ISBN 985-11-0068-4 (т. 3).
• Карніловіч Э. Буткевіч Варвара Эдмундаўна // Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — С. 140. — 20 000 экз. — ISBN 5-85700-142-0.
• Будкевіч Барбара // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.

• Будкевич Варвара Эдмундовна (1886) (руск.). ru.openlist.wiki.