Валерый Паўлавіч Чайка

Валерый Паўлавіч Чайка
Дата нараджэння	2 снежня 1950(1950-12-02)
Месца нараджэння	Таганрог, Растоўская вобласць, РСФСР, СССР
Дата смерці	ліпень 2024 (73 гады)
Род дзейнасці	мастак, вітражыст, дэкаратар
Жанр	манументальна-дэкаратыўнае мастацтва[d], афармленчае мастацтва[d], мастацкае праектаванне[d] і вітраж
Вучоба	Беларускі дзяржаўны тэатральна-мастацкі інстытут (1976)
Член у	Беларускі саюз мастакоў
Прэміі

Валерый Паўлавіч Ча́йка (2 снежня 1950(1950-12-02), Таганрог, Растоўская вобласць — ліпень 2024) — мастак дэкаратыўна-прыкладнога і афармленчага мастацтва.

Скончыў Беларускі тэатральна-мастацкі інстытут у 1976 годзе, вучыўся ў Г. Вашчанкі. Член Беларускага саюза мастакоў з 1984 года.

Жыў у Мінску.

Працаваў у манументальна-дэкаратыўным і афармленчым мастацтве, у мастацкім праектаванні. Сярод твораў: мастацкае афармленне інтэр’ераў і экстэр’ераў БДУ, экстэр’ера абласнога радзільнага дома (абодва 1978), праект інтэр’ера і вітражы станцыі метро «Інстытут культуры» (1984), праект інтэр’ера і люстры ў аэрапорце «Мінск-2» (1988—1989), размалёўка ў рэстаране «Беларусь» (1995), размалёўка і вітражы ў рэстаране «Гасціны двор» (1996), аб’ёмна-прасторавыя кампазіцыі для Палаца Рэспублікі (2000) — усе ў Мінску. Адзін з аўтараў вітражоў з размалёўкай і аб’ёмна-прасторавай кампазіцыі для храма Св. Духа ў Беластоку (Польшча, 2001, з С. Рабашчуком і Б. Скрамблевічам).

Творы вылучаюцца высокай мастацкай культурай, шматпланавасцю зместу, гарманічным уключэннем у архітэктурнае асяроддзе.

• Дзяржаўная прэмія Рэспублікі Беларусь у галіне літаратуры, мастацтва і архітэктуры (2004, у аўтарскім калектыве) — за комплекснае мастацкае рашэнне інтэр’ераў Палаца Рэспублікі ў г. Мінску.

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).