Валянцін Серафімавіч Ягораў

Валянцін Серафімавіч Ягораў (30 кастрычніка 1935 года, Ленінград — 17 лістапада 2012, Гомель) — беларускі мастак-графік.

У 1955 годзе скончыў Мінскае мастацкае вучылішча, у 1961 — Беларускі тэатральна-мастацкі інстытут. Дыпломная работа — серыя афортаў «За палярным кругам» — была прадстаўлена на Усесаюзнай выставе лепшых дыпломных работ у Маскве і Кіеве. Працаваў у тэхніцы лінагравюры і афорта.^[1]

У 1963 годзе стаў членам Беларускага саюза мастакоў. У 1966—1968 гадах быў абраны першым старшынёй Гомельскай абласной арганізацыі Беларускага саюза мастакоў. Быў узнагароджаны медалём Беларускага саюза мастакоў. Жонка Марыя Карпаўна (1937—2007) таксама была мастаком-акварэлістам.

30 студзеня 2014 года ў Гомельскай абласной універсальнай бібліятэцы адкрылася Галерэя імя Марыі і Валянціна Ягоравых.

• «Каб чыстым быў гарызонт» (1965),
• «Нараджэнне новага»,
• «Узлёт»,
• «Калыханка» (усе 1968),
• «Раніца»,
• «Сон»,
• «Сяброўкі» (усе 1969)

Экспанаваліся на рэспубліканскіх мастацкіх выставах.

• «Очарованные жизнью». Егоровы. Семья художников.