Венядзікт Пятровіч Курачка

Венядзікт Пятровіч Ку́рачка^[2] (1 жніўня 1925(1925-08-01)^[1], Грушыўці, Чарнавіцкая вобласць^[1] — 29 ліпеня 1983(1983-07-29)^[1]) — беларускі савецкі геолаг, кандыдат геолага-мінералагічных навук (1959)^[2].

Нарадзіўся ў вёсцы Грушыўці (Кэльмэнецкі раён, Чарнавіцкая вобласць, Украіна). У 1959 годзе скончыў Чарнавіцкі ўніверсітэт. З 1956 года старшы навуковы супрацоўнік, з 1964 года загадчык лабараторыі фізічных і хімічных даследаванняў Інстытута геалагічных даследаванняў Акадэміі навук БССР. З 1981 года В. П. Курачка ў Беларускім навукова-даследчым геолагаразведачным інстытуце на пасадзе загадчыка сектара геалогіі і мінералогіі асадкавага чахла.

В. П. Курачка займаўся даследаваннямі старажытна-палеазойскіх адкладаў на тэрыторыі Беларусі і Прыднястроўя, эпігенетычных змен у адкладах дэвону, кары выветрывання на асадкавых утварэннях Прыпяцкага прагіну. Першаадкрывальнік мінерала даўсаніт на тэрыторыі Беларусі^[2]

Сярод апублікаванага:

• Литология и геохимия девонских отложений Припятского прогиба в связи с их нефтеносностью / Махнач А. С., Корзун В. П., Курочка В. П., Лапуть В. А., Урьев И. И., Шевченко Т. А.; под ред. А. С. Махнача — Мн.: Наука и техника , 1966. — 314, [2] с.;
• Атлас микротекстур и структур пород девонского осадочного комплекса Припятского прогиба / М-во геологии СССР. Ин-т геол. наук (г. Минск). — Минск : Наука и техника, 1968. — 69 с., 80 л. ил.; 20 см;
• Курочка В. П., Фролов Г. Н., Дмитриев Ф. Л., Жукова М. А. О находке давсонита в Белоруссии. — «Доклады АН БССР», 1972, т. 16, № 6, с. 541—544.

• Ку́рачка Венядзікт Пятровіч // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 112. — 588 с., іл. — 10 000 экз.

• Курочка, Венедикт Петрович (кандидат геолого-минералогических наук ; 1925—1983) (руск.)