Веніямін Аляксандравіч Каверын

Веніямін Аляксандравіч Каверын
Асабістыя звесткі
Імя пры нараджэнні	руск.: Вениамин Абелевич Зильбер
Псеўданімы	Виктор Каверин
Дата нараджэння	6 (19) красавіка 1902[1][2][…]
Месца нараджэння	Пскоў, Пскоўскі павет[d], Пскоўская губерня, Расійская імперыя[3][1]
Дата смерці	2 мая 1989(1989-05-02)[4][5][…] (87 гадоў)
Месца смерці	Масква, РСФСР, СССР
Пахаванне	Ваганькаўскія могілкі
Грамадзянства	Расійская імперыя  РСФСР[d]  СССР
Альма-матар	Санкт-Пецярбургскі дзяржаўны ўніверсітэт
Прафесійная дзейнасць
Род дзейнасці	пісьменнік, раманіст, сцэнарыст, навеліст, драматург
Жанр	аповесць[d], апавяданне, казка, эсэ, публіцыстыка, аповесць і раман
Мова твораў	руская
Грамадская дзейнасць
Член у	Саюз пісьменнікаў СССР Серапіёнавы браты[d]
Прэміі
Узнагароды
Медыяфайлы на Вікісховішчы

Веніямін Аляксандравіч Каверын (руск.: Вениами́н Алекса́ндрович Каве́рин; сапраўднае прозвішча Зільбер; 6 (19) красавіка 1902, Пскоў — 2 мая 1989, Масква) — савецкі пісьменнік, драматург і сцэнарыст. Найбольш вядомы твор — прыгодніцкі раман «Два капітаны». Лаўрэат Сталінскай прэміі другой ступені.

Скончыў Інстытут усходніх моў (1923) і Ленінградскі ўніверсітэт (1924).

Друкаваўся з 1922 года. У пач. 1920-х гадоў уваходзіў у літаратурную групу «Серапіёнавы браты».

Пісаў фантастычныя апавяданні, дэтэктыўныя аповесці, аповесці аб рабоце вучоных. Складаныя і напружаныя сюжэты, маральна-псіхалагічныя праблемы адлюстраваў у раманах «Спаўненне жаданняў» (кн. 1—2, 1934—36), «Два капітаны» (кн. 1—2, 1938—44), трылогіі «Адкрытая кніга» (ч. 1—З, 1949—56). Аповесць «Сем пар нячыстых» (1962) пра вязняў аднаго з паўночных лагераў ГУЛАГа, пазбаўленых у першыя дні Вялікай Айчыннай вайны права абараняць Радзіму.

Аўтар кніг артыкулаў і мемуараў «Дзень добры, брат. Пісаць вельмі цяжка» (1965), кнігі пра В. І. Сянкоўскага «Барон Брамбеус» (1929, 2-я рэд. 1966), аповесцей «Падвойны партрэт» (1966), «Школьны спектакль» (1968), «Малюнак» (1980), «Верлівока» (1982), «Загадка» (1984), раманаў «Перад люстэркам» (1971), «Двухгадзінная прагулка» (1978), «Навука расставання» (1983), кнігі ўспамінаў «У старым доме» (1971), трылогіі «Асветленыя вокны» (1974—76).

• Аблога палацу. — Мн., 1930;
• Наперадзе ўсіх. — Мн., 1930;
• У кн.: Клятва юных. — Мн., 1947;
• Школа мужнасці: Апавяданні. — Мн., 1952;
• У кн.: Апавяданні ленінградскіх пісьменнікаў. — Мн., 1951;
• У кн.: Рускае савецкае апавяданне. — Мн., 1988. Т. І.

• І. У. Саламевіч. Каверын // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).