Вугольшчына

Вугольшчына
Краіна	Беларусь
Вобласць	Магілёўская
Раён	Бялыніцкі
Сельсавет	Цяхцінскі
Каардынаты	53°49′30″ пн. ш. 29°45′46″ у. д.HGЯO
Насельніцтва	▼27 чал. (2019);
Часавы пояс	UTC+3
Тэлефонны код	+375 2232
Паштовыя індэксы	213177
Аўтамабільны код	6
СААТА	7204835121

Вуго́льшчына^[1] (трансліт.: Vuhoĺščyna, руск.: Угольщина) — вёска ў Бялыніцкім раёне Магілёўскай вобласці. Уваходзіць у склад Цяхцінскага сельсавета.

Гісторыя

У 1624 годзе ў складзе фундуша нададзеная Бялыніцкаму кляштару кармелітаў^[2].

25 сакавіка 1918 года згодна з Трэцяй Устаўной граматай вёска абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі ўвайшла ў склад Беларускай ССР, аднак 16 студзеня Масква адабрала яе разам з іншымі этнічна беларускімі тэрыторыямі ў склад РСФСР. У сакавіку 1924 года вёску вярнулі БССР, з 17 ліпеня 1924 года ў складзе Бялыніцкага раёна Магілёўскай акругі (да 26 ліпеня 1930 года), з 20 лютага 1938 года ў Магілёўскай вобласці.

У 1924—1960 гадах цэнтр Вугольшчынскага сельсавета.

У Вялікую Айчынную вайну з ліпеня 1941 года да 27 чэрвеня 1944 года акупіравана нямецкімі войскамі. У вёсцы базіраваўся нямецкі гарнізон, які быў разгромлены 121-м партызанскім атрадам^[3].

З 11 красавіка 1960 года да 15 студзеня 1965 года вёска ўваходзіла ў склад Запольскага сельсавета^[4]^[5].

Вядомыя асобы

Віктар Уладзіміравіч Альшэўскі (нар. 1953) — беларускі мастак.
Віталь Фядосавіч Мядзведзеў (нар. 1928) — беларускі эканаміст.

Крыніцы

↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
↑ НГАБ у Мінску, ф. 1731, воп. 1, спр. 59, с. 85
↑ Партызанскі полк 121-ы імя А. М. Касаева // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 477. — 680 с. — 20 000 экз. — ISBN 5-85700-012-2.
↑ Рашэнне выканкома Магілёўскага абласнога Савета дэпутатаў працоўных ад 11 красавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 10.
↑ Рашэнне выканкома Магілёўскага абласнога Савета дэпутатаў працоўных ад 15 студзеня 1965 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1965, № 10 (1090).