Вульф Борухавіч Гайсін

Вульф Борухавіч Гайсін
Намеснік Старшыні Савета Народных Камісараў БССР сакавік 1940 — 1944
Кіраўнік урада	Кузьма Кісялёў Іван Былінскі
2-і Наркам лясной прамысловасці БССР 1938 — 1941
Кіраўнік урада	Апанас Кавалёў
Папярэднік	Іосіф Рыжыкаў
Пераемнік	Рыгор Лахтанаў
Нараджэнне	28 кастрычніка 1906(1906-10-28)[1] Гомель, Гомельскі павет, Магілёўская губерня, Расійская імперыя
Смерць	19 кастрычніка 1982(1982-10-19)[1] (75 гадоў) Масква, РСФСР, СССР

Вульф Борухавіч (Уладзімір Барысавіч) Га́йсін (28 кастрычніка 1906, Гомель — 19 кастрычніка 1982, Масква) — савецкі дзяржаўны і гаспадарчы дзеяч, намеснік Старшыні Савета Народных Камісараў (1941—1944).

У 1934—1938 гадах — дырэктар Добрушскага цэлюлозна-папяровага камбіната.

У 1938—1941 гадах — наркам лясной прамысловасці БССР.

Восенню 1939 — старшыня Часовага ўпраўлення Беластоцкай вобласці, старшыня Камітэта па арганізацыі выбараў у Народны Сход Заходняй Беларусі.

З сакавіка 1940 года прызначаны намеснікам старшыні СНК БССР, а з красавіка 1941 года намеснікам старшыні Эканамічнага Савета пры СНК БССР.

З мая 1942 да студзеня 1943 года камісар тылу 41-й арміі, намеснік начальніка тылу Калінінскага фронту.

У студзені 1943 года (застаючыся пры гэтым намеснiкам старшыні СНК БССР) адкліканы з фронту і прызначаны намеснікам наркама (з 1946 года — намеснікам міністра рачнога флоту СССР.

Восенню 1951 года, пад час «барацьбы з касмапалітызмам», арыштаваны і ў 1952 годзе прысуджаны Асобай нарадай пры МДБ СССР да 10 гадоў пазбаўлення волі па абвінавачванні ў шкодніцтве на транспарце. У 1954 годзе вызвалены, у 1956 годзе быў рэабілітаваны рашэннем Вярхоўнага Суда СССР.

З 1956 года намеснік начальніка Маскоўскага рачнога параходства па будаўніцтве. З 1970 года на пенсіі.

Быў жанаты, меў 4 дзяцей.

Член ЦК КП(б)Б. Дэпутат Вярхоўнага Савета БССР у 1939—1946 гадах.

• Іофе Э. Р. Гайсін Вульф Борухавіч // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 440. — 10 000 экз. — ISBN 985-11-0035-8. — ISBN 985-11-0090-0 (т. 4).
• Иоффе Э. Г. Гайсин Владимир Борисович // Страницы истории евреев Беларуси. Краткий научно-популярный очерк. — Мн.: АРТИ-ФЕКС, 1996. — С. 228.