Вуліца Астроўскага (Магілёў)

Вуліца Астроўскага вуліца Магілёў
Агульная інфармацыя
Краіна	Беларусь
Рэгіён	Магілёўская вобласць
Горад	Магілёў
Раён	Кастрычніцкі раён
Працягласць	2640 м
Ранейшыя назвы	Бойніцкая вуліца

Вуліца Астроўскага (руск.: улица Островского) — вуліца ў паўднёвай частцы Магілёва, адна з галоўных вуліц Задняпроўскага жылога раёна.

Гістарычная назва Бойніцкая вуліца паходзіць ад бойні, якая размяшчалася на вуліцы^[1]. Была адной з галоўных вуліц Лупалаўскага прадмесця. Перайменавана ў 1938 годзе ў гонар савецкага пісьменніка Мікалая Астроўскага^[2].

Сучаснае аблічча вуліцы фарміруецца паводле генеральнага плана горада 1969 года^[2].

Працягласць 2640 м, ад праспекта Пушкіна да вуліцы Сіманава^[2].

Забудавана пераважна 5-, 9-павярховымі жылымі дамамі^[2].

На вуліцы ў 1990 годзе размяшчаліся адміністрацыйны будынак будтрэста № 17 «Лаўсанбуд», універсам, рэстаран «Ясень», атэлье № 5 па індпашыве адзення, атэлье па рамонце трыкатажных вырабаў, пункты праката турысцкага рыштунку (д. № 1а і № 2), мэблевая фабрыка, кінатэатр «Ветразь». Да вуліцы прылягаюць жылыя мікрараёны Задняпроўе 1, 3, 4, 5, 7^[2].

На ўчастку паміж вуліцай Сіманава і праспектам Шміта з паўднёвага ўсходу да вуліцы прылягае парк імя 60-годдзя Вялікага Кастрычніка^[2].

• Островского Николая улица // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.

• На Вікісховішчы ёсць медыяфайлы па тэме Вуліца Астроўскага (Магілёў)