Вуліца Леніна (Полацк)

Вуліца Леніна Полацк
Агульная інфармацыя
Краіна	Беларусь
Рэгіён	Віцебская вобласць
Горад	Полацк
Мікрараён	Гістарычны цэнтр Полацка
Працягласць	370 м
Ранейшыя назвы	Вазнясенская, Сака і Ванцэці
Назва ў гонар	Уладзімір Ільіч Ленін
Паштовы індэкс	211415

Вуліца Леніна — вуліца ў цэнтры Полацка.

У 1910 годзе мела назву Вазнясенская. Назва была перанесена з іншай вуліцы. Падчас буйной перапланіроўкі горада ў канцы XVIII—пачатку XIX ст. старая Вазнясенская вуліца, што праходзіла паралельна вуліцы Вялікай, перастала існаваць, і назву перанеслі на сучасную вуліцу Леніна.^[1]

У савецкія часы атрымала назву вуліца Сака і Ванцэці ў гонар анархістаў Нікола Сака і Барталамеа Ванцэці, пакараных смерцю ў ЗША.

У 2008 годзе было вырашана перайменаваць тагачасную вуліцу Леніна ў вуліцу Ніжне-Пакроўскую, а вуліцу Сака і Ванцэці ў вуліцу Леніна.

З 1932 да 1941 года на вуліцы існаваў драўляны мост праз Дзвіну^[2]. Мост быў спалены 15 ліпеня 1941 года, калі абаронцы Полацка пачалі пакідаць горад^[3].

У 1990 годзе, нягледзячы на пратэсты грамадскасці, быў разбураны дом з нумарам 13 на скрыжаванні з Камуністычнай вуліцай, пабудаваны ў пачатку XX ст. полацкім купцом Мінцам як яўрэйская аптэка, дзе беднякам бясплатна выдаваліся лекі.^[3]

• № 3 — Былы гатэль «Лондан» —  Гісторыка-культурная каштоўнасць Беларусі, шыфр 213Г000627шыфр 213Г000627

• № 4 — Былы гатэль «Брыстоль» —  Гісторыка-культурная каштоўнасць Беларусі, шыфр 213Г000627шыфр 213Г000627