Вуліца Пляханава (Магілёў)

Вуліца Пляханава Магілёў
Агульная інфармацыя
Краіна	Беларусь
Рэгіён	Магілёўская вобласць
Горад	Магілёў
Раён	Ленінскі раён
Гістарычны раён	Задубравенскі пасад
Працягласць	500 м
Ранейшыя назвы	Глеба-Барысаўская вуліца
Медыяфайлы на Вікісховішчы

Вуліца Пляханава (руск.: улица Плеханова) — вуліца ў Магілёве, у Ленінскім раёне.

Пачынаецца ад скрыжавання з вуліцай Правая Дубравенка каля ўваходу на Быхаўскі рынак, з паўднёвага захаду прымыкае завулак Брусава, з паўночнага ўсходу — Ленінградскі завулак, перасякае вуліцу Вароўскага, завяршаецца скрыжаваннем з вуліцай Мянжынскага. Працягласць вуліцы складае 500 м.

Узнікла на Задубравенскім пасадзе. Гістарычна мела назву Глеба-Барысаўская вуліца ад Барысаглебскай царквы. За савецкім перайменавана ў гонар расійскага філосафа, прапагандыста марксізму Георгія Пляханава (1856—1918).

• 
  Вуліца на плане горада 1778 г.
• 
  Вуліца на плане горада 1835 г.
• 
  Глеба-Барысаўская вуліца на плане горада 1918 г.
• 
  Вуліца Пляханава на нямецкім аэрафотаздымку. 23 чэрвеня 1941

• № 18А — былы будынак лякарні (1920-1930-я). Пабудаваны па тыпавым праекце ў стылі постканструктывізму. Цяпер у будынку размяшчаецца Аддзел унутраных спраў Магілёўскага райвыканкама^[1].
• № 23 (вул. Вароўскага, 11) — карпусы былога яўрэйскага рамеснага вучылішча (1903 год) —  Гісторыка-культурная каштоўнасць Беларусі, шыфр 513Г000044шыфр 513Г000044
• (завулак Брусава, 2) — Свята-Крыжаўзвіжанскі сабор (1866—1869) —  Гісторыка-культурная каштоўнасць Беларусі, шыфр 513Г000012шыфр 513Г000012
• (завулак Брусава, 2) — Крыжаўзвіжанская царква (XVII ст.) —  Гісторыка-культурная каштоўнасць Беларусі, шыфр 512Г000011шыфр 512Г000011

• 
  Былы будынак лякарні ў красавіку 1942 года
• 
  Карпусы былога яўрэйскага рамеснага вучылішча
• 
  Свята-Крыжаўзвіжанскі сабор
• 
  Крыжаўзвіжанская царква

Каля дома № 18 расце векавы дуб, узрост якога складае каля 150 гадоў.

• На Вікісховішчы ёсць медыяфайлы па тэме Вуліца Пляханава (Магілёў)