Вуліца 23 Гвардзейцаў (Полацк)

Вуліца 23 Гвардзейцаў Полацк
Агульная інфармацыя
Краіна	Беларусь
Рэгіён	Віцебская вобласць
Горад	Полацк
Мікрараён	Задзвінне
Працягласць	1400 м
Ранейшыя назвы	Лепельская
Паштовы індэкс	211402, 211409

Вуліца 23 Гвардзейцаў — вуліца ў мясцовасці Задзвінне горада Полацка.

Да 1984 года насіла назву Лепельская^[1], бо пераходзіла ў дарогу ў бок Лепеля.

Да Кастрычніцкай рэвалюцыі паміж Задзвінскай (сучасная вуліца Свярдлова) і Лепельскай вуліцамі існавала паромная пераправа цераз Дзвіну^[2].

Падчас нямецкай акупацыі ў Першую сусветную вайну ў 1918 годзе мела назву Lepel-Str.^[3]

Сучасную назву атрымала ў гонар групы лейтэнанта Аляксандра Грыгор’ева, што захапіла збудаваны немцамі ў 1944 годзе драўляны мост цераз Дзвіну і стварыла плацдарм на яе правым беразе 3 чэрвеня 1944 года, у выніку чаго горад быў вызвалены ад нацысцкіх захопнікаў.

Вуліца цягнецца ад вуліцы Тусналобавай-Марчанка на поўначы да паўднёвай мяжы горада.

• № 1 — Музей-кватэра Героя Савецкага Саюза Зінаіды Міхайлаўны Тусналобавай-Марчанка
• № 4а — Комплекс былога кляштара бернардзінцаў: жылы корпус, руіны касцёла Дзевы Марыі, будынак пякарні, гаспадарчая пабудова (зараз карпусы кляштара займае Полацкая абласная псіхіятрычная бальніца) —  Гісторыка-культурная каштоўнасць Беларусі, шыфр 212Г000613шыфр 212Г000613

Планавалася стварэнне пешаходнага маста праз Дзвіну ад вуліцы Свярдлова да вуліцы 23 Гвардзейцаў, але ад плана адмовіліся^[4].