Вятчынская Рудня

Вёска Вятчынская Рудня Краіна Беларусь Вобласць Гомельская Раён Жыткавіцкі Сельсавет Марохараўскі Каардынаты 52°24′00″ пн. ш. 28°08′40″ у. д.HGЯO Першая згадка XIX стагоддзе Насельніцтва 71 чалавек (2004) Часавы пояс UTC+3 Тэлефонны код +375 2353 Паштовыя індэксы 247965 Аўтамабільны код 3 СААТА 3216828016 Вятчынская Рудня на карце Беларусі ±

Вятчы́нская Ру́дня^[1] (трансліт.: Viatčynskaja Rudnia, руск.: Ветчинская Рудня) — вёска ў Жыткавіцкім раёне Гомельскай вобласці. Уваходзіць у склад Марохараўскага сельсавета.

Месціцца за 45 км на паўночны ўсход ад Жыткавічаў, за 20 км ад чыгуначнага раз’езда Старушкі (на лініі Лунінец — Калінкавічы), за 278 км ад Гомеля. Побач аўтадарога Марохарава — Любань.

Планіроўка складаецца з амаль просталінейнай, блізкай да мерыдыянальнай арыентацыі вуліцы. Забудова няшчыльная, драўляная, сядзібнага тыпу. Вакол вёскі лес.

Заснавана ў другой палове XIX стагоддзя перасяленцамі з суседніх вёсак. Паводле перапісу 1897 года знаходзіўся вадзяны млын. У 1917 годзе ў Дзякавіцкай воласці Мазырскага павета Мінскай губерні.

У 1931 годзе арганізаваны калгас «Прагрэс». У другой палове 1930-х гадоў у вёску пераселены жыхары побач размешчаных сяліб. Падчас Вялікай Айчыннай вайны ў сакавіку 1943 года нямецкія акупанты цалкам спалілі вёску. 15 жыхароў загінулі на фронце.

Паводле перапісу 1959 года ў складзе калгаса «Кастрычнік» (цэнтр — вёска Дзякавічы). Дзейнічаў клуб. Да 26 сакавіка 1987 года вёска ўваходзіла ў склад Дзякавіцкага сельсавета^[2].

• 1897 год — 4 двары, 31 жыхар (паводле перапісу).
• 1917 год — 76 жыхароў.
• 1925 год — 21 двор.
• 1940 год — 49 двароў.
• 1959 год — 257 жыхароў (паводле перапісу).
• 2004 год — 36 гаспадарак, 71 жыхар.

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

• На Вікісховішчы пакуль няма медыяфайлаў па тэме, але Вы можаце загрузіць іх