Вячаслаў Юр’евіч Яраслаўскі

Вячаслаў Яраслаўскі
Поўнае імя	Вячаслаў Юр’евіч Яраслаўскі
Нарадзіўся	14 мая 1985(1985-05-14)[1] (40 гадоў) Мінск, БССР, СССР
Грамадзянства	Беларусь
Рост	176 см
Вага	73 кг
Пазіцыя	абаронца
Клубная кар’ера[* 1]
2001 Тарпеда (Мінск) 0 (0) 2002 СКВІЧ (Мінск) 20 (3) 2003 Лакаматыў (Мінск) 4 (0) 2003—2008 Шэрыф (Ціраспаль) 27 (1) 2003—2005 →  Шэрыф-2 (Ціраспаль) 28 (0) 2006 →  Дынама (Брэст) 18 (0) 2007 →  Нёман (Гродна) 10 (0) 2008 →  Лакаматыў (Мінск) 0 (0) 2008 →  Мінск 26 (1) 2009 Мінск 3 (0) 2009 Белшына (Бабруйск) 9 (0) 2010 СКВІЧ (Мінск) 28 (1) 2011 Віцебск 30 (0) 2012—2013 Тарпеда-БелАЗ (Жодзіна) 28 (1) 2013 Славія (Мазыр) 13 (0) 2014 Віцебск 22 (0) 2015—2017 Гарадзея 65 (1) 2018 Ліда 5 (0)
Нацыянальная зборная[* 2]
2001 Беларусь (да 17) 2 (0) 2004—2006 Беларусь (да 21) 6 (0)
Трэнерская кар’ера
2020 Смалявічы дубль 2020 Смалявічы трэнер
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ↑ Колькасць гульняў і галоў за нацыянальную зборную ў афіцыйных матчах

Вячаслаў Яраслаўскі (нар. 14 мая 1985, Мінск) — беларускі футбаліст (абаронца) і трэнер.

Пачаў кар’еру ў мінскім «Лакаматыве», потым гуляў у Малдове. Пасля вяртання ў Беларусь гуляў за розныя клубы Вышэйшай і Першай ліг.

У студзені 2012 года падпісаў кантракт з «Тарпеда-БелАЗ», дзе стаў асноўным левым абаронцам. Пасля сезона 2012 быў выстаўлены жодзінскім клубам на трансфер, але ў выніку застаўся ў клубе, страціўшы месца ў асноўным складзе.

У жніўні 2013 года перайшоў у мазырскую «Славію»^[2], дзе хутка замацаваўся на пазіцыі левага абаронцы, але не здолеў выратаваць каманду ад вылету ў Першую лігу.

У сакавіку 2014 года падпісаў кантракт з «Віцебскам»^[3]. У якасці асноўнага левага абаронцы дапамог віцебскаму клубу па выніках сезона 2014 вярнуцца ў Вышэйшую лігу. У студзені 2015 года, пакінуўшы «Віцебск», стаў іграком «Гарадзеі»^[4]. У снежні 2015 года падоўжыў кантракт з «Гарадзеяй» на наступны сезон^[5]. У пачатку сезона 2016 звычайна выхадзіў на замену, пазней замацаваўся ў стартавым складзе на пазіцыі левага абаронцы. Сезон 2017 пачынаў у аснове, аднак пазней страціў месца ў складзе, заставаўся на лаўцы запасных. У снежні 2017 года па заканчэнні кантракта пакінуў «Гарадзею»^[6].

У пачатку 2018 года праходзіў прагляд у мінскім «Промні», але пазней далучыўся да «Ліды»^[7]. Пачынаў сезон 2018 у стартавым складзе, аднак у маі атрымаў траўму і болей на полі не з’яўляўся. У кастрычніку 2018 года па пагадненні бакоў пакінуў лідскі клуб^[8].

Гуляў за моладзевую зборную Беларусі.

Пасля зыходу з «Ліды» завяршыў кар’еру і стаў працаваць дзіцячым трэнерам. У пачатку 2020 года ўзначаліў дубль «Смалявічаў», а ў ліпені стаў памочнікам галоўнага трэнера ў асноўнай камандзе. Працаваў у клубе да канца 2020 года.

• 01 Чэмпіён Малдовы (3): 2004, 2005, 2006
• Пераможца Першай лігі чэмпіянату Беларусі (2): 2008, 2009

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[9].