ФК СКВІЧ

СКВІЧ
Поўная назва	ТАА «Футбольны клуб СКВІЧ»
Заснаваны	2000
Расфарміраваны	2014
Горад	Мінск, Беларусь
Стадыён	«Алімпійскі» Умяшчальнасць: 1530
Прэзідэнт	Юрый Саўчанка
Галоўны трэнер	Яўген Лінёў
Чэмпіянат	Другая ліга
2014	24 месца

ФК СКВІЧ — былы беларускі футбольны клуб з горада Мінск, заснаваны ў 2000 годзе.

Клуб быў заснаваны ў 2000 годзе фірмай СКВІЧ, якая займалася будаўніцтвам. Падтрымку камандзе спачатку аказвала Беларуская чыгунка, таму асноўная каманда клуба выступала пад назвай «Лакаматыў». Клуб на першы ж год свайго існавання перамог у Другой лізе, а па выніках сезону 2002 атрымаў месца ў элітным беларускім дывізіёне.

У 2003 — 2008 гадах удзельнічаў у Вышэйшай лізе чэмпіянату Беларусі (акрамя 2004 і 2007 гадоў), з 2009 выступаў у Першай лізе. На працягу чатырох сезонаў клуб займаў высокія месцы і прэтэндаваў на чарговае вяртанне ў эліту.

Пасля сезону 2012 каманду з-за фінансавых цяжкасцяў пакінулі амаль усе ігракі (застаўся толькі вопытны брамнік Віталь Макаўчык). Новы склад быў сабраны за тыдзень да матчу чвэрцьфінала Кубка Беларусі супраць брэсцкага «Дынама». У гэтым матчы СКВІЧ атрымаў сенсацыйную перамогу (1:0) і прабіўся ў паўфінал.

Але гэта было амаль што адзінае дасягненне каманды ў сезоне. У паўфінале СКВІЧ быў разгромлены мінскім «Дынама» (0:5), а ў чэмпіянаце цярпеў паражэнне за паражэннем і замацаваўся на апошнім радку. У выніку ўжо за некалькі тураў да канца СКВІЧ пазбавіўся шанцаў застацца ў Першай лізе. Атрымаўшы ў перадапошнім туры перамогу над «Полацкам» (5:1), СКВІЧ перагнаў гэты клуб і ў выніку заняў 15 месца.

Сезон 2014 клуб распачаў у групе А Другой лігі^[1]. Клуб выступаў пераважна маладымі ігракамі і хутка апынуўся ў канцы турнірнай табліцы. З-за дэфіцыту брамнікаў на некаторы час у браму прыйшлося стаць нават галоўнаму трэнеру Яўгену Лінёву^[2].

У выніку, клуб заняў апошняе 12 месца ў групе А. Саступіўшы ў стыкавых матчах жыткавіцкаму «ЮА-Строй», СКВІЧ заняў апошняе 24-е месца ў Другой лізе.

У сезоне 2015 клуб адмовіўся ад удзелу ў Другой лізе з-за фінансавых цяжкасцей і спыніў існаванне.

• 2000: СКВІЧ
• 2001—2008: «Лакаматыў»
• 2009—2014: СКВІЧ

• Вышэйшае дасягненне — 11 месца ў чэмпіянаце Беларусі 2005 года.
• Фіналіст Кубка Беларусі 2003 года.
• Самая буйная перамога — 7:0 (ДБК-Гомель, 2012).
• Самая буйная параза — 0:12 (Прыазёр'е, 2014).

Сезон	Ліга	М	Г	В	Н	П	Галы	Ачкі	Кубак	Заўвагі
2001	Другая (Д3)	1	34	26	4	4	77–17	82	Чвэрцьфінал	Выхад у Першую лігу
2002	Першая (Д2)	3	30	20	6	4	59–16	66	Фіналіст	Выхад у Вышэйшую лігу
2003	Вышэйшая (Д1)	15	30	5	9	16	16–42	24	Чвэрцьфінал	Вылет у Першую лігу
2004	Першая (Д2)	1	30	24	3	3	75–25	75	1/16 фінала	Выхад у Вышэйшую лігу
2005	Вышэйшая (Д1)	11	26	7	5	14	30–43	26	1/8 фінала
2006	Вышэйшая (Д1)	13	26	5	4	17	26–52	19	1/8 фінала	Вылет у Першую лігу
2007	Першая (Д2)	3	26	16	4	6	49–21	52	1/8 фінала	Выхад у Вышэйшую лігу
2008	Вышэйшая (Д1)	14	30	6	7	17	28–50	25	1/8 фінала	Вылет у Першую лігу
2009	Першая (Д2)	5	26	11	6	9	37–29	39	1/32 фінала
2010	Першая (Д2)	2	30	17	7	6	52–21	58	1/16 фінала
	Пераходныя матчы1		2	0	1	1	1–3	1
2011	Першая (Д2)	4	30	16	6	8	57–27	54	Чвэрцьфінал
2012	Першая (Д2)	4	28	16	7	5	61–19	55	Паўфінал
2013	Першая (Д2)	15	30	3	3	24	21–63	12	1/16 фінала	Вылет у Другую лігу
2014	Другая - А (Д3)	12	22	1	3	18	18–80	6	1/64 фінала
	Матчы за 23 месца2	24	2	0	0	2	2–6	0

• ¹ Пераходныя матчы за месца ў вышэйшай лізе супраць «Тарпеда» (Жодзіна), перадапошняй каманды вышэйшай лігі 2010.
• ² Стыкавыя матчы супраць клуба «ЮА-Строй» (Жыткавічы), які заняў 12 месца ў групе Б (2:3, 0:3).

• Профіль на сайце weltfussballarchiv.com (англ.)
• Профіль на сайце wildstat.ru (руск.)
• Профіль на сайце teams.by (руск.)
• Профіль на сайце goals.by (руск.)