Вітаўтас Мацкявічус

Вітаўтас Мацкявічус
Дата нараджэння	14 студзеня 1911(1911-01-14)[1]
Месца нараджэння	Шаўлі, Шавельскі павет, Ковенская губерня, Расійская імперыя
Дата смерці	11 ліпеня 1991(1991-07-11) (80 гадоў)
Месца смерці	Вільня, Віленскае гарадское самакіраванне, Літва
Месца пахавання	Антокальскія могілкі
Грамадзянства	Літва
Род дзейнасці	мастак
Месца працы	Вільнюская мастацкая акадэмія
Жанр	мастак
Вучоба	Каўнаскі інстытут дэкаратыўна-прыкладнога мастацтва
Узнагароды	Дзяржаўная прэмія Літоўскай ССР[d] (1970) народны мастак Літоўскай ССР[d] (1963)

Вітаўтас Стасё Мацкя́вічус (літ.: Vytautas Mackevičius; 14 студзеня 1911, г. Шаўляй, Літва - 11 ліпеня 1991, Вільнюс, Літва) — літоўскі жывапісец. Народны мастак Літвы (1963). Лаўрэат Дзяржаўнай прэміі Літвы (1970).

Скончыў у 1935 годзе Каўнаскую мастацкую школу, у 1938—1939 гадах вучыўся ў Парыжы ў Ш. Герэна. З 1945 года выкладаў у Мастацкім інстытуце Літвы ў Вільнюсе, у 1953—1974 гадах рэктар.

Творам уласцівы лірызм, выяўленне структуры кампазіцыі, тонкія спалучэнні колераў: пейзажы «Мост цераз Сену» (1938), «Першы снег» (1946), «Дубінгай» (1980), цыкл «Вільнюс і яго ваколіцы» (1983—1985), партрэты Б. Даўгувеціса, М. Чурлёніса (абодва 1975), аўтапартрэт (1978) і інш. Аўтар тэматычных карцін «Партызаны» (1946), «Паўстанцы 1863 года» (1963), «Іспанія змагаецца» (1977), «Нарада ў падполлі» (1980), «Будаўнікі Вільнюса» (1983), палітычных карыкатур, плакатаў і інш.

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).

• На Вікісховішчы пакуль няма медыяфайлаў па тэме, але Вы можаце загрузіць іх