Гарадзец (Рагачоўскі раён)

Гарадзец
Краіна	Беларусь
Вобласць	Гомельская
Раён	Рагачоўскі
Сельсавет	Гарадзецкі
Каардынаты	52°58′23″ пн. ш. 30°20′45″ у. д.HGЯO
Першая згадка	XVIII стагоддзе
Насельніцтва	1 056 чалавек (2004)
Часавы пояс	UTC+3
Тэлефонны код	2339
Паштовыя індэксы	247276
Аўтамабільны код	3
СААТА	3247812031

Гарадзе́ц^[1] (трансліт.: Haradziec, руск.: Городец) — аграгарадок у Рагачоўскім раёне Гомельскай вобласці. Адміністрацыйны цэнтр Гарадзецкага сельсавета.

Стаіць на рацэ Ржаўка. За 28 км на паўднёвы ўсход ад Рагачова, 1194 жыхары^[2], 502 двары^[2].

Гісторыя

У пісьмовых крыніцах упамінаецца ў 18 ст. У 1880 г. мястэчка, цэнтр воласці Рагачоўскага павета Магілёўскай губерні, 820 жыхароў, у тым ліку 615 праваслаўных, 205 іудзеяў, 130 дамоў, яўрэйская малітоўная школа, царква, валасная ўправа, народнае вучылішча, 3 крамы. Праводзіліся штогод 2 кірмашы (9 мая і 15 жн.) з гандлёвым абаротам з 3 да 10 тыс. рублёў. Вёска належала Драбышэўскім затым Дашкевічам і Судзілоўскім. Жыхары займаліся нарыхтоўкай і вывазам лесу, сельскай гаспадаркай. З 17.7.1924 цэнтр Гарадзецкага раёна, з 20.8.1924 цэнтр сельсавета, з 4.8.1927 у Рагачоўскім раёне. Перад Вялікай Аўчыннай вайной 1319 жыхароў, 240 двароў. У снежні 1943 вёску часткова спалілі (183 двары) і 181 жыхара знішчылі нямецкія захопнікі.

У 1970 1046 жыхароў, 331 гаспадарка. Цэнтр калгаса «Світанак». У вёсцы сярэдняя школа, дапаможная школа інтэрнат, бібліятэка, Дом культуры, дзіцячая дашкольная ўстанова, бальніца, аптэка, аддзяленне хуткай медыцынскай дапамогі, комплексны прыёмны пункт бытавога абслугоўвання, спажывецкае таварыства. У вёсцы брацкія магілы савецкіх воінаў і партызанаў.

Вядомыя асобы

Мікалай Віктаравіч Аўчыннікаў (нар. 1952) — беларускі жывапісец.
Мікалай Мікітавіч Слюнькоў (нар. 1929) — савецкі партыйны дзеяч.
Соф’я Георгіеўна Майсеева (нар. 1919) — беларускі інжынер-будаўнік.
Іехошуа Марголін^[he]

Славутасці

Свята-Успенская царква 1869 г.

Зноскі

↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
↑ ^а ^б 1993 год

Літаратура

Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 537 с. — 20 000 экз. — ISBN 5-85700-142-0.