Гары (герцаг Сасекскі)

Прынц Генры (Гары) Уэльскі
Прынц Генры (Гары) Уэльскі
	Prince Henry (Harry) of Wales
Нараджэнне	15 верасня 1984[…] (40 гадоў); St Mary's Hospital[d], Падзінгтан, Вэстмінстэр, графства Вялікі Лондан, Вялікі Лондан[d], Англія, Вялікабрытанія;
Род	Віндзорская дынастыя
Імя пры нараджэнні	англ.: Prince Henry Charles Albert David of Wales
Бацька	Карл III[…]
Маці	Дыяна, прынцэса Уэльская[…]
Жонка	Меган Маркл[…]
Дзеці	Арчы Маўнтбетэн-Віндзар і Лілібет Сасекская
Веравызнанне	Царква Англіі
Член у	Брытанская каралеўская сям'я;
Адукацыя	Ітанскі каледж (1 чэрвеня 2003); Wetherby School[d]; Ludgrove School[d]; Каралеўская ваенная акадэмія ў Сандхёрсце[d];
Месца працы	BetterUp Inc.[d];
Аўтограф
Манаграма
Прыналежнасць	Вялікабрытанія
Род войскаў	Брытанская армія[d], Blues and Royals[d] і Army Air Corps[d]
Званне	маёр[d] і Captain General Royal Marines[d]
Бітвы	Вайна ў Афганістане; Operation Herrick[d];
Узнагароды	ганаровы член[d] (6 сакавіка 2012) Time 100[d] (2021) Time 100[d] (2018)
Сайт	sussex.com (англ.)
	Медыяфайлы на Вікісховішчы

Прынц Генры, герцаг Сасекскі (англ.: Prince Henry, Duke of Sussex, поўнае імя Генры (Генрых) Чарлз (Карл) Альберт Дэвід (Давід) Маўнтбетэн-Віндзар, англ.: Henry Charles Albert David Mountbatten-Windsor; 15 верасня 1984, Падынгтан, Лондан) — малодшы сын караля Вялікабрытаніі Карла ІІІ і яго першай жонкі прынцэсы Дыяны, унук каралевы Вялікабрытаніі Елізаветы II. З ранняга дзяцінства вядомы пад сямейным імем Гары, якое ўжываецца нават у афіцыйных крыніцах^[14]. Станам на жнівень 2022 года шосты ў чарзе спадчыннікаў стальца Злучанага каралеўства.

Біяграфія

Прынц Гары нарадзіўся 15 верасня 1984 года ў бальніцы Святой Марыі ў Падынгтане, цэнтральным раёне Лондана. 21 снежня 1984 года быў ахрышчаны архібіскупам Кентэрберыйскім у капліцы Святога Георгія ў Віндзары, дзе атрымаў імя Генры Чарлз Альберт Дэвід Віндзар.

Спачатку Гары наведваў дзіцячы садок місіс Майнарс, у верасні 1987 года адправіўся ў школу Уэзербі ў Лондане, а з 1992 года стаў вучнем школы Ладграў у Беркшыры, дзе правучыўся наступныя пяць гадоў. 31 жніўня 1997 года, калі яму было 12 гадоў, у аўтакатастрофе ў Парыжы загінула яго маці прынцэса Дыяна. На пахаванні маці браты ішлі за яе труною^[15].

Сям’я

27 лістапада 2017 года стала вядома пра заручыны прынца Гары з амерыканскай актрысай Меган Маркл, рамантычныя адносіны з якой пачаліся ў чэрвені 2016 года^[16]. Вяселле адбылося 19 мая 2018 года ў капліцы Святога Георгія ў Віндзорскім замку. 6 мая 2019 года ў прынца Гары і Меган Маркл нарадзіўся сын, якога назвалі Арчы Гарысан Маўнтбетэн-Віндзар^[17]. 4 чэрвеня 2021 года нарадзілася дачка Лілібет Дыяна Маўнтбетэн-Віндзар^[18].

Тытулы і звароты

Хоць у яго тытулаванні ёсць словы «прынц» (як прэфікс перад імем) і «Уэльскі» (His Royal Highness Prince Henry Charles Albert David of Wales), ён, роўна як і яго брат, не з’яўляецца ўладальнікам тытула «прынц Уэльскі»: тытул належыць выключна непасрэднаму спадчынніку брытанскага стальца, у гэтым выпадку — яго бацьку Чарлзу. У дзень вяселля з Меган Маркл прынцу Гары нададзены тытул герцага Сасекскага, графа Дамбартана і барона Кілкіла^[19].

1984—2018: Яго Каралеўская Высокасць прынц Генры Уэльскі
з 2018: Яго Каралеўская Высокасць герцаг Сасекскі, граф Дамбартан, барон Кілкіл.