Генадзь Адамавіч Асташонак

Генадзь Адамавіч Асташонак (25 ліпеня 1955(1955-07-25)^[1], Дабраводка, Мінская вобласць — 22 верасня 2012(2012-09-22)) — беларускі мастак, майстар мастацкай апрацоўкі металу^[2].

Нарадзіўся 25 ліпеня 1955 года ў вёсцы Дабраводка Мінскай вобласці.

Скончыў Мінскае мастацкае вучылішча ў 1974 годзе і Беларускі дзяржаўны тэатральна-мастацкі інстытут у 1979 годзе. Вучыўся ў А. Зінчука і С. Ларчанкі. Удзельнік мастацкіх выставак з 1976 года^[2].

Член Беларускага саюза мастакоў з 1992 года^[2].

Жыў ў Мінску^[2]. Памёр 22 верасня 2012 года.

Працаваў ў галіне мастацкай апрацоўкі металу. Сярод асноўных твораў — серыя медалёў, прысвечаных дзеячам культуры: «М. Гусоўскі», «Я. Колас», «Я. Купала», «М. Багдановіч», «500 гадоў Рафаэлю». Для інтэр’еру Літаратурнага музея М. Багдановіча стварыў дэкаратыўныя рашоткі і люстры; для Палаца моладзі ў Мінску — люстры і дэкаратыўныя скульптуры (у сааўтарстве). Таксама вядомы работамі дэкаратыўнай пластыкі з металу, сярод якіх — «PS», «Аэліта», «Чалавек-крэсла», «Лінія жыцця». Выканаў калекцыю зброі для Княжацкага замка ў г. п. Мір^[2].

Работы знаходзяцца ў фондах Беларускага саюза мастакоў, Нацыянальнага мастацкага музея Беларусі, Траццякоўскай галерэі (Масква), Музеі сучаснага выяўленчага мастацтва (Мінск)^[2].

• Асташонак Генадзь Адамавіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

Памылка Lua у Модуль:External_links на радку 45: assign to undeclared variable 'link'.