Генадзь Васілевіч Говар

Генадзь Васілевіч Говар
Генадзь Васілевіч Говар
Асабістыя звесткі
Дата нараджэння	23 сакавіка 1945 (80 гадоў)
Месца нараджэння	Жлобін, Жлобінскі раён, Гомельская вобласць, БССР, СССР;
Альма-матар	Мінскае мастацкае вучылішча (1963); Каўнаскі інстытут дэкаратыўна-прыкладнога мастацтва (1970);
Месца працы	Гомельскі камбінат «Мастацтва»[d];
Прафесійная дзейнасць
Род дзейнасці	мастак, экслібрысіст, рысавальнік, графік
Грамадская дзейнасць
Член у	Саюз пісьменнікаў Беларусі; Беларускі саюз мастакоў; Саюз беларускіх пісьменнікаў (2005);

Генадзь Васілевіч Говар (нар. 23 сакавіка 1945, г. Жлобін) — беларускі паэт і мастак.

Біяграфія

Нарадзіўся 23 сакавіка 1945 года ў г. Жлобіне. Сваю працоўную дзейнасць пачаў з 1961 года на Гомельскім «Лесахімкамбінаце» электраманцёрам, сумяшчаючы працу з вучобай у Гомельскай пасменнай сярэдняй школе працоўнай моладзі № 2, якую скончыў у 1961 годзе. У 1963 годзе паступіў на вучобу ў Мінскае мастацкае вучылішча, з якога ў 1964 годзе быў прызваны на вайсковую службу. Пасля дэмабілізацыі прадоўжыў вучобу ў Каўнаскім мастацкім вучылішчы і ў 1970 годзе атрымаў дыплом мастака. Размеркавальнай камісіяй быў накіраваны на працу ў Гомельскі камбінат «Мастацтва» Беларускага саюза мастакоў.

Першыя мастацкія выставы і літаратурныя публікацыі пачынаюць свой адлік з 1967 года.

Член Саюза пісьменнікаў Беларусі (2003). Член Саюза мастакоў Беларусі, Міжнароднага саюза пісьменнікаў і журналістаў (Лондан).

Жыве і працуе ў Гомелі.

Творчасць

Паэт. Аўтар кніг: «Мае абпаленыя крылы…», «Незамглёная ўсмешка», «Мой нечаканы вершапад», «Князь-возера» (паэма), «Ты мяне пацалавала» (гумар), «Акунёўская бітва». Удзельнік многіх калектыўных зборнікаў, друкаваўся ў шматлікіх перыядычных выданнях.