Герб Поразава

Герб Поразава
Дэталі
Зацверджаны	2007
Шчыт	барочны
Заснаванне	14 чэрвеня 2007

Герб Поразава — герб гарадскога пасёлка Поразава Свіслацкага раёна. Герб і сцяг зацверджаны Указам Прэзідэнта Рэспублікі Беларусь ад 14 чэрвеня 2007 г. № 279. Мастак Віктар Ляхар.

У 1515 годзе кароль польскі Жыгімонт I Стары дараваў мястэчку Поразава магдэбургскае права, а праз год, 1 чэрвеня 1516 года горад атрымаў адзін з атрыбутаў гарадскога самакіравання — герб^[1]: «у блакітным полі постаць Дзевы Марыі з дзіцём Ісусам на руках»^[2]. Ён быў адноўлены па гарадскіх пячатках XVII—XVIII стагоддзяў, у прыватнасці, узору 1720 года^[1].

Сучасны герб уяўляе сабой барочны шчыт, у блакітным полі якога на залатым паўмесяцы намалявана фігура Дзевы Марыі ў залатой кароне, чырвона-сініх адзеннях, на руках якой немаўля Ісус у залатой кароне, белым адзенні. Над іх галовамі — залатыя німбы^[3].

• Сцяг Поразава

• Цітоў А. Геральдыка беларускіх местаў (XVI — пачатак XX ст.). — Мн.: Полымя, 1998. — 287 с. — ISBN 985-07-0131-5.

• На Вікісховішчы ёсць медыяфайлы па тэме Герб Поразава
• Указ Прэзідэнта Рэспублікі Беларусь ад 14 чэрвеня 2007 г. № 279 Архівавана 23 жніўня 2020.