Графіт

Графіт
Формула	C (вуглярод)
Статус IMA	grandfathered mineral (G)[d][1]
Фізічныя ўласцівасці
Колер	Шэры, чорны сталёвы
Колер рысы	Чорная
Бляск	Металападобны
Празрыстасць	Непразрысты
Цвёрдасць	1—2
Спайнасць	Дасканалая па {0001}
Шчыльнасць	2,09—2,23 г/см³
Сінгонія	Гексаганальная (планаксіянальная)
Медыяфайлы на Вікісховішчы

Графі́т — мінерал, які належыць да самародных элементаў. Найбольш пашыраная і ўстойлівая ў зямной кары мадыфікацыя вугляроду.

Графіту характэрна слаістая структура, афарбоўка цёмна-шэрая да чорнай, металічны бляск. Цвёрдасць 1—2, шчыльнасць 2,2 г/см³. Тэмпература плаўлення 3800—3600 °C. Тлусты навобмацак. Вогнетрывалы, электраправодны, хімічна ўстойлівы. Акісляецца толькі пры вялікіх тэмпературах. Валодае невялікім каэфіцыентам трэння. Пад уздзеяннем нейтроннага выпраменьвання павялічваецца цвёрдасць, электрычнае супраціўленне, модуль пругкасці графіту, а яго цеплаправоднасць змяншаецца.

Карысны выкапень. Трапляецца ў магматычных і метамарфічных пародах. Графіт атрымліваюць таксама штучным шляхам — награваннем антрацыту без доступу паветра.

Радовішчы графіту маюць Расія, Украіна, ЗША і інш. На Беларусі вядомы рудапраяўленні графіту ў крышталічным падмурку.

Графіт выкарыстоўваецца ў ліцейнай справе, ядзернай тэхніцы, пры вытворчасці электродаў, алоўкаў, шчолачных акумулятараў, элементаў сілкавання. Штучны графіт выкарыстоўваецца ў якасці пакрыцця соплаў ракетных рухавікоў і камер спальвання, асобных дэталей ракет.

• Физическая энциклопедия. Т. 2. Добротность — Магнитооптика / Гл. ред. А. М. Прохоров. — М.: Советская энциклопедия, 1990. — Т. 2. — С. 138. — 702 с. — 100 000 экз. — ISBN 5-85270-061-4. (руск.)

• На Вікісховішчы ёсць медыяфайлы па тэме Графіт
• Графит(недаступная спасылка) // Власов В. Г. Новый энциклопедический словарь изобразительного искусства: В 10 т. — Спб.: Азбука-классика, 2004—2009. Архівавана 17 кастрычніка 2013. (руск.)

1. ↑ Nickel E. H., Nichols M. C. IMA/CNMNC List of Mineral Names (March 2007) — 2007.
   <a href="https://wikidata.org/wiki/Track:Q20645057"></a><a href="https://wikidata.org/wiki/Track:Q16917772"></a><a href="https://wikidata.org/wiki/Track:Q1356348"></a>