Ельніца (Мінскі раён)

Вёска Ельніца Краіна Беларусь Вобласць Мінская Раён Мінскі Сельсавет Навадворскі Каардынаты 53°49′02″ пн. ш. 27°43′19″ у. д.HGЯO Насельніцтва ▼587 чал. (2010) Часавы пояс UTC+3 Тэлефонны код +375 17 Паштовыя індэксы 223063 Аўтамабільны код 5 СААТА 6236843031 Ельніца на карце Беларусі ±

Ельніца на Вікісховішчы

Е́льніца^[1] (трансліт.: Jeĺnica, руск.: Ельница) — вёска ў Мінскім раёне Мінскай вобласці. Уваходзіць у склад Навадворскага сельсавета. Месціцца за 6 км на поўдзень ад Мінска, на рацэ Ельніца (Трасцянка).

Каля вёскі месціцца спартыўны комплекс «Стайкі».

У 1778 годзе засценак у Менскім павеце Менскага ваяводства Вялікага Княства Літоўскага, уласнасць І. Прушынскага, ёсць вадзяны млын. У 1791 годзе засценак маёнтка Каралішчавічы, шляхецкая ўласнасць у Менскай парафіі.

У выніку другога падзелу Рэчы Паспалітай 1793 года Ельніца апынулася ў складзе Расійскай імперыі. У 1800 годзе вёска на правым беразе ракі Ельніца (Трасцянка), уласнасць каралішчавіцкай каталіцкай плябаніі і Станіслава Прушынскага. У 1858 годзе вёска ў Ігуменскім павеце Мінскай губерні маёнтка Каралішчавічы, уласнасць М. Прушынскага. У 1897 годзе вёска Пярэжырскай воласці Ігуменскага павета.

У Першую сусветную вайну ў лютым — снежні 1918 года тэрыторыя была пад акупацыяй войскаў Германскай імперыі.

25 сакавіка 1918 года згодна з Трэцяй Устаўной граматай абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі ўвайшла ў склад Беларускай ССР. У ліпені 1919 — ліпені 1920 гадоў і ў сярэдзіне кастрычніка 1920 года была пад акупацыяй Польшчы.

З 20 жніўня 1924 года вёска ў Каралішчавіцкім сельсавеце Самахвалавіцкага раёна Менскай акругі (да 26 ліпеня 1930 года). З 18 студзеня 1931 года ў падпарадкаванні гарадскога савета Менска. З 26 траўня 1935 года ў Менскім раёне. З 20 лютага 1938 года ў Менскай вобласці.

У Другую сусветную вайну з канца чэрвеня 1941 года да пачатку ліпеня 1944 года вёска пад акупацыяй Германіі.

Да 5 сакавіка 1959 года вёска ўваходзіла ў склад Каралішчавіцкага сельсавета^[2], да 20 студзеня 1960 года — у склад Трасцянецкага сельсавета^[3].

• XVIII стагоддзе:
  • 1778 год — 3 двары, 8 жыхароў
  • 1800 год — 7 двароў, 44 жыхары

• XIX стагоддзе:
  • 1858 год — 58 жыхароў
  • 1897 год — 15 двароў, 95 жыхароў

• XX стагоддзе:
  • 1917 год — 21 двор, 134 жыхары
  • 1926 год — 32 двары, 160 жыхароў
  • 1997 год — 233 гаспадаркі, 507 жыхароў
  • 1999 год — 422 жыхары
  • 2010 год — 593 жыхары

• Ельніца // Гарады і вёскі Беларусі: Энцыклапедыя. Т. 8: Мінская вобласць, кн. 3 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2012. — 624 с.: іл. — 2 000 экз. — ISBN 978-985-11-0636-9. С. 389

• На Вікісховішчы ёсць медыяфайлы па тэме Ельніца (Мінскі раён)