Жалезнікі (Мядзельскі раён)

Вёска Жалезнікі Краіна Беларусь Вобласць Мінская Раён Мядзельскі Сельсавет Занарацкі Каардынаты 54°47′39″ пн. ш. 26°42′10″ у. д.HGЯO Колькасць двароў 48 Насельніцтва 107 чалавек (1997) Часавы пояс UTC+3 Тэлефонны код +375 1797 Паштовыя індэксы 222382 Аўтамабільны код 5 СААТА 6240814031 Жалезнікі на карце Беларусі ±

Жале́знікі^[1] (трансліт.: Žaliezniki, руск.: Железники) — вёска ў Мядзельскім раёне Мінскай вобласці. Уваходзіць у склад Занарацкага сельсавета.

У 1868 годзе 2 вёскі ў Занарачанскай воласці Свянцянскага павета Віленскай губерні: 10 двароў, 96 жыхароў і 9 двароў, 89 жыхароў. У 1904 годзе вёска Жалезнікі, 226 жыхароў. У 1907 годзе вёскі Жалезнікі 1-я (157 жыхароў) і Жалезнікі 2-я (151 жыхар). У Першую сусветную вайну з верасня 1915 года акупаваная войскамі кайзераўскай Германіі, спалена. 18—28 сакавіка 1916 года ў раёне вёскі праходзілі баі Нарачанскай аперацыі войскаў расійскіх армій Паўночнага і Заходняга франтоў. У 1940 годзе 57 двароў, 232 жыхары. У верасні 1943 года гітлераўцы поўнасцю спалілі вёску (57 двароў), забілі трох жыхароў. Пасля вайны адноўлена.

З 11 кастрычніка 1940 гада вёска ў Занарацкім сельсавеце Мядзельскага раёна Вілейскай, з 20 верасня 1944 года Маладзечанскай, з 20 студзеня 1960 года Мінскай абласцей. У 1950 годзе ў вёсцы створаны калгас «Перамога». З 1973 года вёска знаходзіцца ў складзе калгаса «Шлях да камунізму» (адміністрацыйны цэнтр — вёска Занарач).

• 193 жыхары (1960)
• 48 двароў, 107 жыхароў (1997)

Жывёлагадоўчая ферма.

• На Вікісховішчы пакуль няма медыяфайлаў па тэме, але Вы можаце загрузіць іх