Загор’е (Славакія)

Загор'е (славацк.: Záhorie, ням.: (windische) Marchauen, венг.: Erdőhát) — гістарычная вобласць Славакіі, размешчаная на крайнім захадзе краіны, паміж Белымі і Малымі Карпатамі, Маравіяй і Аўстрыяй. У наш час Загор'е падзелена на 4 адміністрацыйныя раёны — Малацкі, Сеніца, Скаліца і Міява. У Загор'е ўваходзіць таксама раён Браціслава IV.

Назва «Загор'е» паходзіць ад факту, што яно аддзелена ад астатняй Славакіі Малымі Карпатамі, у той час як частка на процілеглым баку Малых Карпат называецца «Падгор'е».

Тут склалася свая самабытная культура і адасобленыя загорскія гаворкі заходнеславацкага дыялекту, якія маюць шэраг моўных рыс, падобных да ўсходнемараўскіх (марава-славацкіх) дыялектаў (якія з'яўляюцца натуральным працягам заходнеславацкага дыялектнага арэала), так і да чэшскай мовы^[1][2].

Большая частка тэрыторыі Загор'я размешчана на тэрыторыі Борскай нізіны і Хвойніцкага ўзвышша, якія з'яўляюцца часткай Венскага басейна.

Найбольш буйныя рэкі — Морава і Міява. На ўсходзе і паўначы размешчаны Белыя і Малыя Карпаты.

Найважнейшыя гарады рэгіёна: Малацкі, Ступава, Сеніца, Скаліца, Голіч, Міява.

• Ландшафтны запаведнік Загор'е

• На Вікісховішчы ёсць медыяфайлы па тэме Загор’е (Славакія)
• Загорскі Інфармацыйны Сервер Архівавана 5 кастрычніка 2013.