Замашша

Замашша
Краіна	Беларусь
Вобласць	Мінская
Раён	Мядзельскі
Сельсавет	Сваткаўскі
Каардынаты	54°44′15″ пн. ш. 27°03′57″ у. д.HGЯO
Колькасць двароў	19
Насельніцтва	29 чалавек (1997)
Часавы пояс	UTC+3
Тэлефонны код	+375 1797
Паштовыя індэксы	222384
Аўтамабільны код	5
СААТА	6240840026

За́машша^[1] (трансліт.: Zamašša, руск.: Замошье) — вёска ў Мядзельскім раёне Мінскай вобласці. Уваходзіць у склад Сваткаўскага сельсавета.

Гісторыя

У 1868 г. вёска Княгінінскай воласці Вілейскага павета Віленскай губерні, 6 двароў, 67 жыхароў. З 1884 тут працавала школа граматы, у якой у 1896/97 навучальным годзе вучыліся 10 хлопчыкаў і 7 дзяўчынак. У 1904 г. на месцы сучаснай вёскі існавалі: вёска (172 жыхары) і фальварак, валоданне Пілсудскага, 12 жыхароў. У 1908 г. у вёсцы 19 двароў, 160 жыхароў. У 1921 г. у складзе Мядзельскай гміны Дунілавіцкага (з 1925 Пастаўскага) павета Віленскага ваяводства, 31 двор, 173 жыхары. З 12.10.1940 г. у Сваткаўскім сельсавеце Мядзельскага раёна Вілейскай, з 20.09.1944 г. Маладзечанскай абласцей, з 1952 г. у Брусоўскім сельсавеце, з 20.01.1960 г. у Мінскай вобласці, з 01.10.1973 г. у Вузлянскім^[2], з 23.03.1987 г. у Сваткаўскім сельсавеце^[3].

У 1940 г. вяскоўцы арганізавалі калгас імя Леніна. У 1940 г. 42 двары, 187 жыхароў. Пасля вайны адноўлены калгас. З 1954 вёска знаходзіцца ў складзе калгасу імя Леніна (да 09.11.1961 г. калгас імя Сталіна, з 1988 цэнтр — вёска Сваткі), з 1994 г. — аграфірмы «Зара», з сакавіка 1997 г. — сельскагаспадарчага прадпрыемства імя М. Танка (цэнтр — вёска Сваткі).

Насельніцтва

144 жыхары (1960)
19 двароў, 29 жыхароў (1997)

Зноскі

↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
↑ Указ Прэзідыума Вярхоўнага Савета Беларускай ССР ад 1 кастрычніка 1973 г. Аб перайменаванні асобных сельсаветаў Мінскай вобласці // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1973, № 28 (1402).
↑ Рашэнне выканкома Мінскага абласнога Савета народных дэпутатаў ад 23 сакавіка 1987 г. // Збор законаў Беларуская ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1987, № 23 (1901).