Змеегалоўнік Руйша

Змеегалоўнік Руйша
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Nepetoideae Род:  Змеегалоўнік Від:  Змеегалоўнік Руйша
Міжнародная навуковая назва
Dracocephalum ruyschiana L., 1753
Выявы на Вікісховішчы NCBI   39297 EOL   2893770 IPNI   446513-1 TPL   kew-63894

Гэты від занесены ў Чырвоную кнігу Беларусі і ахоўваецца законам. III катэгорыя (VU)

Змеегалоўнік Руйша^[1] (Dracocephalum ruyschiana) — кветкавая расліна роду Змеегалоўнік (Dracocephalum) сямейства Ясноткавыя (Lamiaceae).

Шматгадовая травяністая расліна з разгалінаваным карэнішчам і прамымі валасістымі, у верхняй частцы разгалінаванымі сцёбламі вышынёй да 60 см. Лісце ланцэтна-лінейнае або амаль лінейнае, з загнутымі ўніз краямі, пераважна сядзячае, даўжынёй 2—3 см. Кветкі буйныя, сіне-фіялетавыя, у 6-кветкавых несапраўдных мутоўках, сабраных на канцы сцябла ў падоўжанае гронкападобнае суквецце даўжынёй 3—5 см. Плод — арэшак.

Барэальны еўразійскі лесастэпавы рэліктавы від. Знаходзіцца ў Беларусі паблізу паўночна-заходняй мяжы арэала, з’яўляецца прадстаўніком паўднёвасібірскага (алтайскага) міграцыйна-генетычнага элемента ў флоры. Месцы росту: зрэджаныя хвойна-шыракалістыя, сасновыя і саснова-бярозавыя лясы імшыстага, чарнічнага і верасовага тыпаў, травяністыя схілы.

Цвіце ў чэрвені—ліпені, пладаносіць у ліпені. Размнажэнне насеннае.

Дэкаратыўная, лекавая, меданосная, тэхнічная і кармавая расліна.

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. Мн.: БелЭн, 1993. — ISBN 5-85700-095-5

• Змееголовник Рюйша — Dracocephalum ruyschiana L.: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)