Знам’янка

Знам’янка
Герб	Сцяг
Краіна	Украіна
Вобласць	Кіраваградская вобласць
Раён	Крапыўныцкі раён[d]
Каардынаты	48°42′49″ пн. ш. 32°40′24″ у. д.HGЯO
Заснаваны	1869
Плошча	15 км²;
Вышыня цэнтра	197 м
Насельніцтва	22 936 чал.;
Часавы пояс	UTC+2, летам UTC+3
Паштовыя індэксы	27400 і 27406
КААТУУ	3510600000
Афіцыйны сайт	znam.gov.ua
	Медыяфайлы на Вікісховішчы

Знаменка^[1] ці Знам’янка^[2] (укр.: Знам’янка) — горад у Кіраваградскай вобласці Украіны. Плошча 14,8 км². Насельніцтва 21 000 чал.

Гісторыя

Знаменка заснавана ў 1869 годзе як чыгуначная станцыя, названа ад суседняй вёскі, заснаванай у 1730 годзе перасяленцамі з цэнтральнай Расіі (цяпер Знаменка Другая). У 1886 годзе 143 жыхары. У 1913 годзе — каля 6 тысяч чалавек.

Пасля распаду Расійскай імперыі і пачатку савецка-ўкраінскай вайны 1917—1921 гадоў горад аказаўся пад уладай УНР і Халаднаярскай рэспублікі. У 1920 годзе савецкія войскі з трэцяй спробы занялі горад. За гады Галадамора 1932—1933 гадоў і палітычных рэпрэсій загінуў не менш як 891 жыхар Знам’янкі. З 1938 года мае статус горада.

У Другую сусветную вайну з 5 жніўня 1941 да 9 снежня 1943 года горад акупаваны нацыстамі. У лесе побач горада размяшчаўся буйнейшы цэнтр партызанскага руху Кіраваградскай вобласці.

У 1960-я гады пабудаваны 5-павярховыя жылыя дамы, у 1977 годзе — гарадскі Палац культуры, у 1980-я — 9-павярховыя жылыя дамы.

Падчас вайны на Данбасе (2014—2022) у баявых дзеяннях удзельнічала амаль 1000 знам’янчан. 12 загінулі, імем аднаго з іх — Віктара Голага, названа цэнтральная вуліца горада.

Падчас расійскага ўварвання ва Украіну Знам’янка стала прытулкам для некалькіх тысяч уцекачоў з паўднёвага ўсходу краіны.