Зульфія (паэтэса)

Зульфія
Зульфія
	Zulfiya
Асабістыя звесткі
Імя пры нараджэнні	Зульфія Ісраілава
Псеўданімы	Зульфія
Дата нараджэння	1 (14) сакавіка 1915
Месца нараджэння	Ташкент, Ташкенцкі павет[d], Сырдар’інская вобласць, Туркестанскае генерал-губернатарства, Расійская імперыя;
Дата смерці	1 жніўня 1996 (81 год)
Месца смерці	Ташкент, Узбекістан;
Грамадзянства	Расійская імперыя; СССР; Узбекістан;
Муж	Хамід Алімджан[d]
Альма-матар	Ташкенцкі дзяржаўны педагагічны ўніверсітэт імя Нізамі;
Прафесійная дзейнасць
Род дзейнасці	паэтка, пісьменніца, галоўны рэдактар
Кірунак	сацыялістычны рэалізм
Жанр	верш
Мова твораў	узбекская, руская
Грамадская дзейнасць
Партыя	КПСС;
Член у	Саюз пісьменнікаў СССР;
Прэміі
Узнагароды

Зульфія Ісраілава (псеўданім — Зульфія) (14 сакавіка 1915, Ташкент — 1996, Ташкент) — узбекская савецкая паэтэса, перакладчык, празаік. Народная паэтэса Узбекскай ССР (1965). Герой Сацыялістычнай Працы (1984). Лаўрэат Дзяржаўнай прэміі СССР (1976). Член КПСС з 1953 года.

Творчасць

У сваёй мастацкай творчасці Зульфія апявала свой народ і яго шматвяковыя традыцыі. У яе творчасці праслаўляецца маці — захавальніца сямейнага агменю.

Таленавітая паэтэса і пісьменніца, тонкі знаўца чалавечых душэўных памкненняў, стварыла творы розных жанраў: паэмы, балады, элегіі, лірычныя вершы, апавяданні, нарысы, публіцыстычныя артыкулы і газетныя карэспандэнцыі. Шматлікія яе вершы былі прысвечаны барацьбе за мір і сяброўства народаў СССР. У гады вайны яна пісала патрыятычныя вершы. Ёю таксама былі напісаныя лібрэта да опер узбекскіх кампазітараў, напрыклад лібрэта оперы «Зейнаб і Аман». Таксама ёю была напісаная п'еса-казка па матывах паэмы «Семург», напісанай яе мужам Хамідам Алммджанам.

Найбольш вядомымі вершамі паэтэсы з'яўляюцца: «Хулькар» (1947), «Я спяваю світанак» (1950), зборнік вершаў «Блізкія сэрцу майму» (1958), «Сэрца ў дарозе» (1966), «Дар даліны» (1966), «Мая вясна» (1967), «Вадаспад» (1969).

Пераклала на ўзбекскую мову верш Янкі Купалы «А хто там ідзе?».