Казіміраўская Слабодка

Казіміраўская Слабодка
Краіна	Беларусь
Вобласць	Гомельская
Раён	Жлобінскі
Сельсавет	Краснабярэжскі
Каардынаты	52°55′16″ пн. ш. 29°48′14″ у. д.HGЯO
Насельніцтва	▼36 чал. (2019);
Часавы пояс	UTC+3
Тэлефонны код	+375 2334
Аўтамабільны код	3
СААТА	3218824021
	Казіміраўская Слабодка на Вікісховішчы

Казімі́раўская Слабо́дка^[1] (трансліт.: Kazimiraŭskaja Slabodka, руск.: Казимировская Слободка) — вёска ў Жлобінскім раёне Гомельскай вобласці. Уваходзіць у склад Краснабярэжскага сельсавета.

Да 1966 года вёска ўваходзіла ў склад Малевіцкага сельсавета^[2].

Гісторыя

Па пісьмовых крыніцах вядома з XIX стагоддзя як вёска ў Сцяпоўскай воласці Бабруйскага павета Мінскай губерні. Паводле перапісу 1897 года 34 двары, 243 жыхары, хлебазапасны магазін.

У 1921 годзе адкрыта школа, якая размясцілася ў нацыяналізаваным будынку. У 1925 годзе 65 двароў. У 1930 годзе арганізаваны калгас імя М. Горкага, працавалі конная крупарушка і вятрак. У Вялікую Айчынную вайну 34 вяскоўцы загінулі на фронце. Паводле перапісу 1959 года 227 жыхароў. У 1962 годзе да вёскі далучаны пасёлак Ключ, хутар Цёсы. У складзе саўгаса «Чырвонабярэжскі» (цэнтр — вёска Чырвоны Бераг).

Планіровачна складаецца з прамалінейнай, амаль мерыдыянальнай вуліцы, забудаванай двухбакова, няшчыльна, драўлянымі сялянскімі сядзібамі^[3].

Крыніцы

↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
↑ Рашэнні выканкома Гомельскага абласнога Савета дэпутатаў працоўных ад 12 лістапада, 1 і 8 снежня 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 1 (1159).
↑ Казіміраўская Слабодка // Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004. — С. 436. — 4 000 экз. — ISBN 985-11-0303-9.