Каманішнік

Каманішнік
Каманішнік лугавы
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Варсянкакветныя Сямейства:  Бружмелевыя Падсямейства:  Варсянкавыя Род:  Каманішнік
Міжнародная навуковая назва
Succisa Haller (1768)
Сістэматыка на Віківідах Выявы на Вікісховішчы ITIS   35415 NCBI   105906 EOL   467227 GRIN   g:410421 IPNI   14334-1

Камані́шнік^[1] (Succisa) — род кветкавых раслін падсямейства варсянкавых (Dipsacoideae) сямейства бружмелевыя (Caprifoliaceae).

Шматгадовая травяністая расліна вышынёю 40—100 см. Сцябло прамастойнае з доўгімі міжвузеллямі. Лісце цэласнае, ланцэтнае, на сцябле супраціўнае, пры корані ў разетцы. Кветкі сіне-фіялетавыя, блакітна-бэзавыя, радзей белыя, у галоўчатых суквеццях. Плод — 4-гранны касматы арэх.

Пашыраны ў Еўразіі і Паўночнай Афрыцы. На тэрыторыі Беларусі 1 від — каманішнік лугавы (Succisa pratensis)^[2] — трапляецца па ўсёй тэрыторыі на нізінных лугах, ускрайках балот, лясных палянах. Народныя назвы: каманіца, каноплі лясныя, папы.

Лекавая, дубільная, фарбавальная і меданосная расліна.

• Каманішнік // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
• Каманішнік // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 457.

• Сивец — род Succisa: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Succisa (англ.) // The Plant List