Канстанцін Антонавіч Абазоўскі

Канстанцін Антонавіч Абазоўскі
Дата нараджэння	1 кастрычніка 1919(1919-10-01)
Месца нараджэння	в. Абухава[1][2], Лепельскі павет, Віцебская губерня, РСФСР[3][4]
Дата смерці	26 кастрычніка 1944(1944-10-26) (25 гадоў)
Месца смерці	Няма дакладных даных [5]
Альма-матар	Віцебскі дзяржаўны ўніверсітэт імя П. М. Машэрава
Грамадзянства	СССР
Прыналежнасць	СССР
Род войскаў	ВПС
Гады службы	1940—1944
Званне	Лейтэнант
Часць	190-ы штурмавы авіяцыйны полк, 214-я штурмавая авіяцыйная дывізія, 15-я паветраная армія, 2-і Прыбалтыйскі фронт
Камандаваў	камандзір звяна
Бітвы/войны	Вялікая Айчынная вайна: Вызваленне Паўночнага Каўказа, Вызваленне Крыма і Прыбалтыкі
Узнагароды і званні

Канстанцін Антонавіч Абазоўскі — (1 кастрычніка 1919 — 26 кастрычніка 1944) — Герой Савецкага Саюза, камандзір звяна 190-га штурмавога авіяцыйнага палка, удзельнік Вялікай Айчыннай вайны, лейтэнант.

Канстанцін Антонавіч Абазоўскі нарадзіўся 1 кастрычніка 1919 года ў вёсцы Абухава^[1][2] Лепельскага павета Віцебскай губерні РСФСР (сучасны Бешанковіцкі раён Віцебскай вобласці Беларусі).

Скончыўшы ў 1938 годзе Віцебскі настаўніцкі інстытут^[1], Канстанцін Антонавіч Абазоўскі выкладаў гісторыю ў Пліскай няпоўнай сярэдняй школе Бешанковіцкага раёна.

Быў прызваны ў рады РСЧА у 1940 годзе.

Скончыў ваенна-авіяцыйнае вучылішча.

Прымаў удзел у баях за вызваленне Паўночнага Каўказа, Крыма і Прыбалтыкі з 1943 года.

6 мая 1944 года звяно штурмавікоў пад камандаваннем Канстанціна Антонавіча Абазоўскага ў паветраным баю ля Севастопаля збіла пяць варожых знішчальнікаў, спаліла на зямлі восем самалётаў і два склады праціўніка з боепрыпасамі^[1].

Да жніўня 1944 года лейтэнант Канстанцін Антонавіч Абазоўскі здзейсніў 106 баявых вылетаў^[1], асабіста знішчыў 11 танкаў, 3 самалёты на зямлі, шмат аўтамашын і іншай баявой тэхнікі праціўніка.

Указам Прэзідыума Вярхоўнага Савета СССР ад 26 кастрычніка 1944 года за ўзорнае выкананне баявых заданняў камандавання па знішчэнні жывой сілы і тэхнікі праціўніка і праяўленыя пры гэтым мужнасць і гераізм лейтэнанту Канстанціну Антонавічу Абазоўскаму прысвоена званне Героя Савецкага Саюза з уручэннем Ордэна Леніна і медалі «Залатая Зорка».

Канстанцін Антонавіч Абазоўскі загінуў 26 кастрычніка 1944 года ў паветраным баю ў Прыбалтыцы^[1]. Пасмяротна быў залічаны ў калектыў Рыжскага марскога порта.

• Медаль «Залатая Зорка»
• Ордэн Леніна
• Ордэн Чырвонага Сцяга
• Ордэн Чырвонага Сцяга
• Ордэн Айчыннай вайны 2-й ступені
• Ордэн Чырвонай Зоркі
• Ордэн Чырвонай Зоркі
• Медалі

• У гарадскім пасёлку Бешанковічы імем Героя названа адна з вуліц і ўстаноўлены бюст^[2]
• У вёсцы Плісы ўстаноўлена мемарыяльная дошка^[1].
• Імя Героя носіць Пліская школа.
• Быў залічаны ў калектыў Рыжскага марскога гандлёвага порта.

• Беларуская ССР: Кароткая энцыклапедыя. У 5-і т. Т. 5.: Бібліяграфічны даведнік / Рэд. кал.: І. П. Шамякін і інш. — Мн.: Гал. рэд. БелСЭ імя П. Броўкі, 1981. — Т. 5. — 720 с. — 15 000 экз.
• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.
• Герои Советского Союза: Краткий биографический словарь / Пред. ред. коллегии И. Н. Шкадов — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Навечно в сердце народном: Справочник / Главный ред. И. П. Шамякин. — 3-е изд., испр. и доп. — Мн.: БелСЭ, 1984. — 607 с. — 65 000 экз. (руск.)
• Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 494 с. — 20 000 экз. — ISBN 5-85700-074-2.

Канстанцін Антонавіч Абазоўскі на сайце «Героі краіны» (Праверана 12 снежня 2009)