Канстанцін Васілевіч Базілевіч

Канстанцін Васілевіч Базілевіч
Дата нараджэння	12 (24) мая 1892[1][2]
Месца нараджэння	Кіеў, Кіеўская губерня, Расійская імперыя
Дата смерці	3 сакавіка 1950(1950-03-03)[1][2] (57 гадоў)
Месца смерці	Масква, РСФСР, СССР
Месца пахавання	Новадзявочыя могілкі
Грамадзянства	Расійская імперыя  СССР
Род дзейнасці	навуковец, выкладчык
Навуковая сфера	гісторыя
Месца працы	МДУ Маскоўскі інстытут гісторыі, філасофіі і літаратуры Вышэйшая партыйная школа пры ЦК УКП(б) Інстытут гісторыі АН СССР[d][3][2] Дзяржаўны гістарычны музей[1][2]
Навуковая ступень	кандыдат гістарычных навук
Навуковае званне	прафесар (1935)[2]
Альма-матар	факультэт грамадскіх навук МДУ[d] Міхайлаўскае артылерыйскае вучылішча[d] (1913)[4]
Навуковы кіраўнік	Сяргей Уладзіміравіч Бахрушын[d][4]
Партыя	КПСС
Узнагароды

Канстанцін Васілевіч Базіле́віч^[5] (12 (24) мая 1892^[1][2], Кіеў — 3 сакавіка 1950(1950-03-03)^[1][2], Масква) — савецкі гісторык, прафесар (1935)^[5][6].

Нарадзіўся ў Кіеве, у сям’і ваеннага педагога^[6]. Скончыў Хабараўскі кадэцкі корпус у 1910 годзе^[7], Міхайлаўскае артылерыйскае вучылішча ў 1913 годзе^[7]. У час Першай сусветнай вайны камандаваў артылерыйскай батарэяй 1-й грэнадзёрскай артылерыйскай брыгады. Скончыў авіяцыйную школу і быў адным з першых рускіх ваенных лётчыкаў. Быў цяжка паранены ў баях^[7]. Пасля дэмабілізацыі ў 1918 годзе добраахвотна ўступіў у Чырвоную Армію. Удзельнік Грамадзянскай вайны.

У 1922 годзе скончыў факультэт грамадскіх навук Маскоўскага дзяржаўнага ўніверсітэта (вучань С. У. Бахрушына^[7]). Працаваў у Гістарычным музеі, з 1930 года выкладаў у вышэйшых навучальных установах Масквы^[6]. З 1935 года К. В. Базілевіч прафесар Маскоўскага дзяржаўнага ўніверсітэта, з 1939 года — Вышэйшай партыйнай школы пры ЦК УКП(б). Адначасова ў 1936—1950 гадах старшы навуковы супрацоўнік^[6], прафесар кафедры гісторыі народаў СССР^[7] Інстытута гісторыі Акадэміі навук СССР.

К. В. Базілевічу належаць навуковыя працы па гісторыі знешняй палітыкі і класавай барацьбы ў Расіі; гісторыі рускага гандлю ў XVII стагоддзя, рамёстваў, мануфактур, пошты; сацыяльна-эканамічных адносінах Рускай дзяржавы ў XV—XVII стагоддзях; грамадскіх рухах; крыніцазнаўстве. Унёс прыкметны ўклад у вывучэнне знешняй палітыкі Рускай дзяржавы пры Іване III^[7]. Увёў у навуковы абарот мытныя кнігі, разглядаў іх як крыніцы эканамічнай гісторыі Расіі. Апублікаваў курс лекцый па гісторыі СССР ад старажытных часоў да XVII стагоддзя, прымаў удзел у стварэнні падручнікаў і дапаможнікаў для сярэдніх школ і вышэйшых навучальных устаноў^[6].

Сярод апублікаванага:

• Земская почта в России (1865—1917). — М., 1926. — 69 с.;
• Городские восстания в Московском государстве XVII в. / Сост. и авт. вводной статьи и примеч. К. В. Базилевич. — М. ; Л. : Соцэкгиз, 1936. — 182 с.;
• Крестьянская война в начале XVII века : Разгром польской и шведской интервенции : Стеногр. лекций, прочит. 29 и 30 дек. 1939 : На правах рукописи / Проф. К. В. Базилевич. — Москва : [б. и.], 1940. — 39 с.; 23 см. — (Курс истории СССР / Высшая парт. школа при ЦК ВКП(б); Лекции 14 и 15);
• История СССР. От древнейших времен до середины XV века : курс лекций, прочитанных в Высшей партийной школе при ЦК ВКП(б) / К. В. Базилевич ; Высш. парт. шк. при ЦК ВКП(б). — М., 1944. — 249, [5] с. — (Курс истории СССР ; лекции 1-12);
• Пётр I — государственный деятель, преобразователь, полководец / К. В. Базилевич. — М.: Воен. изд-во М-ва вооруж. сил, 1946. — 56 с. : 20 cм.;
• Внешняя политика русского централизованного государства / Отв. ред. и вступ. ст. Л. В. Черепнина. — М.: Издательство Московского университета, 1952. — 544 с., 5 л. ил., 4 отд. л. карт.

• Ордэн Святога Станіслава III ступені
• Ордэн Святога Станіслава II ступені
• Ордэн Святой Ганны III ступені
• Ордэн «Знак Пашаны»
• Медаль «За доблесную працу ў Вялікай Айчыннай вайне 1941—1945 гг.»
• Прэмія імя М. В. Ламаносава за манаграфію «Образование русского централизованного государства: вторая половина XV в.» (1950, пасмяротна).

• Базіле́віч Канстанцін Васілевіч // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 220. — 10 000 экз. — ISBN 985-11-0035-8. — ISBN 985-11-0061-7 (т. 2).
• Базиле́вич Константин Васильевич // Т. 2. Ангола — Барзас. — М. : Советская энциклопедия, 1970. — С. 525. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Резун Д. Я. Базилевич Константин Васильевич // Историческая энциклопедия Сибири : в 3 т. / Российская акад. наук, Сибирское отд-ние, Институт истории, Изд. дом «Историческое наследие Сибири»; [гл. ред.: В. А. Ламин; редкол.: С. С. Букин и др.]. — Новосибирск : Историческое наследие Сибири, 2010. — Т. 1: А—И. — 2010. — С. 154—155. — 715 с. : ил., портр., цв. ил. — ISBN 5-8402-0230-4. (руск.)

• Чернышёва Л. Ю. Базилевич Константин Васильевич // Летопись Московского университета (руск.)