Касцёл Найсвяцейшага Сэрца Ісуса і Анёлаў Ахоўнікаў (Анжадава)

Каталіцкі храм
Касцёл Найсвяцейшага Сэрца Ісуса і Анёлаў Ахоўнікаў
54°20′43″ пн. ш. 25°36′12″ у. д.HGЯO
Краіна	Беларусь
Вёска	Анжадава
Канфесія	Каталіцызм
Епархія	Гродзенская дыяцэзія Ашмянскі дэканат
Першае згадванне	1736
Будаўніцтва	1995
Глобус Беларусі	globustut.by/onzhadovo/i…

Касцёл Найсвяцейшага Сэрца Ісуса і Анёлаў Ахоўнікаў — мураваны каталіцкі храм у вёсцы Анжадава Ашмянскага раёна Гродзенскай вобласці.

Сучасны касцёл з’явіўся на месцы касцёла Святога Казіміра, які быў пабудаваны ўладальнікам вёскі К. Манчынскім у 1736 годзе першапачаткова як капліца Тургельскай парафіі. З 1785 года касцёл (з 1807 года — у Табарышскай парафіі). Разбураны праціўнікамі каталіцтва ў 1865 годзе. У 1912 годзе пачалося будаўніцтва новага драўлянага храма, якое было спынена немцамі ў 1915 годзе. У маі 1917 года будаўніцтва працягнута і ў кастрычніку таго ж года скончана, адбыліся набажэнствы. Асвячоны 18 лістапада 1923 года.

У 1949 годзе савецкія ўлады закрылі касцёл, а ксяндза арыштавалі. У канцы ХХ стагоддзя святыню выкарыстоўвалі пад калгаснае сховішча, яна ўяўляла сабой жудасную руіну. Разбураны ў 1992 годзе.

Сённяшні касцёл пабудаваны ў 1995 годзе з цэглы. Асвечаны 17 верасня 1995 года.

Твор архітэктуры постмадэрнізму. Вырашаны прамавугольным у плане аб’ёмам пад пакатым двухсхільным дахам. Да фасада далучана трохярусная чатырохгранная шатровая званіца, адзіны ярус якой адкрыты арачнымі прасветамі, другі прарэзаны паўкруглымі люкарнамі, трэці — высокімі арачнымі прасветамі. Бакавыя фасады рытмічна расчлянёны прамавугольнымі аконнымі праёмамі, аб’яднанымі высокай аркатурай^[1].

• Кулагін А. М. Каталіцкія храмы Беларусі: Энцыкл. даведнік / А. М. Кулагін.

• Анжадава — парафія Найсвяцейшага Сэрца Езуса i Анёлаў Ахоўнікаў — http://catholic.by/
• Касцёл Найсвяцейшага Сэрца Ісуса і Анёлаў Ахоўнікаў (Анжадава) на сайце Глобус Беларусі (руск.)