Касцёл Сэрца Ісуса (Пераброддзе)

Каталіцкі храм
Касцёл Сэрца Ісуса
55°37′11″ пн. ш. 27°23′36″ у. д.HGЯO
Краіна	Беларусь
Вёска	Пераброддзе
Канфесія	Каталіцызм
Епархія	Віцебская дыяцэзія
Дэканат	Мёрскі дэканат
Дата пабудовы	1933 год
Стан	дзейнічае
Глобус Беларусі	globustut.by/perebrode/i…

Касцёл Сэрца Ісуса — драўляны каталіцкі храм у вёсцы Пераброддзе Мёрскага раёна Віцебскай вобласці. Размяшчаецца на паўднёвай ускраіне вёскі.

Пабудаваны ў 1933 годзе з дрэва^[1]. Адноўлены ў 2003—2006 гадах.

Помнік архітэктуры мадэрна. Вырашаны прамавугольным зрубам з прырубам пяціграннай апсіды з бакавымі нізкімі сакрысціямі пад двухграннымі пакрыццямі. Будынак накрыты агульным двухсхільным дахам, які мае значны вынас на фігурных кранштэйнах і пластычны выгін над карнізам і пераходзіць у гранёнае пакрыццё апсіды. Сілуэт храма ўзбагачаюць двух’ярусная чатырохгранная шатровая званіца, надбудаваная над франтальным фасадам, і чатырохгранная шатровая сігнатурка над апсідай. Гарызантальна ашаляваныя бакавыя фасады рытмічна расчлянёны прамавугольнымі аконнымі праёмамі і брусамі-сцяжкамі ў прасценках^[2].

• Кулагін А. М. Каталіцкія храмы Беларусі: Энцыкл. даведнік / А. М. Кулагін.

• Касцёл Сэрца Ісуса (Пераброддзе) на сайце Глобус Беларусі (руск.)