Каханнем трэба даражыць

Каханнем трэба даражыць
Любовью надо дорожить
Жанр	меладрама[d]
Рэжысёр	Сяргей Іванавіч Сплашноў
Сцэнарысты	Міхаіл Бярозка Сяргей Сплашноў
У галоўных ролях	Юрый Уладзіміравіч Сідараў Іван Браніслававіч Шаціла Фёдар Іванавіч Шмакаў
Аператар	Алег Ціханавіч Аўдзееў
Кампазітары	Юрый Уладзіміравіч Семяняка Юрый Давыдавіч Бяльзацкі
Кінакампанія	Беларусьфільм
Працягласць	87 хвілін
Краіна	СССР
Мова	руская
Год	1959
IMDb	ID 0053029

«Каханнем трэба даражыць» (руск.: Любовью надо дорожить) — мастацкі фільм (меладрама), зняты ў 1959 годзе на кінастудыі Беларусьфільм. Прэм’ера фільма адбылася 26 студзеня 1960 года.

У адным з пакояў інтэрната Мінскага камвольнага камбіната на вуліцы Сонечнай жывуць чатыры дзяўчыны-ткачыхі: Каця, Тамара, Паліна і Зіна. Так склаліся абставіны, што Кацю абвінавацілі ў несумленным учынку. Усе доказы супраць яе. Каці даводзіцца перажыць разрыў з каханым чалавекам, які ёй не паверыў. Яна пакідае Мінск і з’язджае на далёкую будоўлю ў адзін з гарадоў БССР.

Але ў лёс Каці актыўна ўмешваюцца яе сяброўкі, камітэт камсамола. Яны вераць ёй, перакананыя ў тым, што Каця — сумленны чалавек. У гісторыі, якая адбылася з Кацяй, непрыстойную ролю адыграла Зіна. Урэшце яна ўсведамляе сваю памылку. Нялёгкія выпрабаванні выпадаюць на долю сябра Каці, маладога муляра Сцяпана. Сумленны хлопец, ён толькі аднойчы ў сілу збегу абставін здзяйсняе ў адносінах да Каці памылку, якую пасля спрабуе загладзіць. Але Каця ніяк не можа дараваць крыўду, якую нанёс ёй Сцяпан у цяжкую хвіліну жыцця.

• Ніна Іванова — Каця Дарашэвіч
• Эдуард Брэдун — Сцяпан
• Зінаіда Асмолава — Тамара Пятушкова
• Муза Крэпкагорская — Паліна Саўчук
• Інга Будкевіч — Зіна
• Анатоль Адоскін — Косця (камсарг камбіната)
• Таццяна Аляксеева — Антаніна Васільеўна (сакратар райкама УЛКСМ)
• Канстанцін Сарокін — Платон Васільевіч Пятушкоў (бацька Тамары)
• Фёдар Шмакаў — Антон Іванавіч
• Павел Малчанаў — Казімір Пятровіч
• Валянціна Краўчанка — Фрося Якімчук
• Яўген Палосін — Ягор Якімчук
• Барыс Шчарбакоў
• Юрый Галкін — Піжон
• Юрый Сідараў — Пётр
• Георгій Юматаў — фотакарэспандэнт
• Іван Шаціла — Пракоп Фёдаравіч
• Ганна Качаткова — эпізод
• Аляксей Бараноўскі — Акім Акімыч
• Нінель Жукоўская — эпізод (няма ў тытрах)

Пачынаецца кінафільм з цудоўнай панарамы цэнтральнай часткі Мінска, знятай з верхавіны гарадской тэлевышкі на вуліцы Камуністычнай. У фільме можна ўбачыць многія вуліцы і будынкі Мінска, якімі яны былі ў 1959 годзе. Асобныя эпізоды здымаліся непасрэдна на Мінскім камвольным камбінаце.

• Фільм «Каханнем трэба даражыць» на сайце www.kinopoisk.ru (руск.)
• Фільм «Каханнем трэба даражыць» на сайце www.kino-teatr.ru (руск.)
• Дом кіно: Мінск канца 1950-х у фільме « Каханнем трэба даражыць» (руск.)
• Фільм «Каханнем трэба даражыць» на сайце Internet Movie Datadase (англ.)