Леанід Захаравіч Траўберг

Леанід Захаравіч Траўберг
Дата нараджэння	4 (17) студзеня 1902[1]
Месца нараджэння	Адэса, Адэскі павет, Херсонская губерня, Расійская імперыя[2][3]
Дата смерці	13 лістапада 1990(1990-11-13) (88 гадоў)
Месца смерці	Масква, РСФСР, СССР[4]
Месца пахавання	Кунцаўскія могілкі[d]
Грамадзянства	СССР[5][6][…]
Месца працы	Вышэйшыя курсы сцэнарыстаў і рэжысёраў
Прафесія	кінарэжысёр, сцэнарыст, кінапрадзюсар, рэжысёр
Кірунак	сацыялістычны рэалізм
Узнагароды	прэмія «Ніка» «Гонар і годнасць»[d] (1988)
IMDb	ID 0871185
Медыяфайлы на Вікісховішчы

Леанід Захаравіч Траўберг (руск.: Леонид Захарович Тра́уберг; 4(17).1.1902, Адэса — 13 лістапада 1990, Масква) — савецкі кінарэжысёр, сцэнарыст, педагог, заслужаны дзеяч мастацтваў РСФСР (1967). Лаўрэат Сталінскай прэміі першай ступені (1941).

Вучыўся ў студыі Камічнай оперы ў Петраградзе. У 1921 разам з Р. М. Козінцавым і С. І. Юткевічам арганізаваў групу акцёраў і рэжысёраў пад назвай Фабрыка эксцэнтрычнага акцёра (ФЭКС). У 1924-46 гадах працаваў у кіно з Козінцавым. Іх першыя фільмы, створаныя з удзелам акцёраў ФЭКСа, ‒ «Прыгоды Акцябрыны» (1924), «Мішкі супраць Юдзеніча» (1925), «Чортава кола», «Браточак», «Шынель» (паводле Мікалая Гогаля) (усе ‒ 1926), «С. В. Д.» (1927) адрозніваліся пошукамі новай кінаформы, часам фармальным эксперыментатарствам. Наступныя іх працы — «Новы Вавілон» (1929) і асабліва «Адна» (1931) былі пераходам да рэалістычнага мастацтва. Выбітным творам савецкага кіно стала трылогія пра Максіма — «Юнацтва Максіма» (1935), «Вяртанне Максіма» (1937), «Выбаргская старана» (1939). Траўберг паставіў таксама фільмы «Актрыса» (1943), «Ішлі салдаты» (1959), «Вольны вецер» (1961) і інш.

Аўтар шэрагу сцэнарыяў, пастаўленых іншымі рэжысёрамі. Выкладаў у ФЭКС, Ленінградскім інстытуце сцэнічных мастацтваў). У 1962-68 гадах кіраваў Вышэйшымі рэжысёрскімі курсамі Саюза кінематаграфістаў СССР.

• Тра́уберг Леонид Захарович // Т. 26. Тихоходки — Ульяново. — М. : Советская энциклопедия, 1977. — С. 173. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)